കൺസ്യൂമർഫെഡിന്റെ വിഷു ചന്തകൾ ഇന്നുമുതൽ ആരംഭിക്കും. സംസ്ഥാനത്താകെയുള്ള 300 ഔട്ട്ലെറ്റുകളിൽ ആണ് വിഷു ചന്ത പ്രവർത്തിക്കുക. കൺസ്യൂമർഫെഡിൽനിന്ന് 13 ഇന സാധനങ്ങൾ വാങ്ങാവുന്നതാണ്. ഇന്നുമുതൽ വിഷു കഴിഞ്ഞുള്ള ഒരാഴ്ച കൂടി കൺസ്യൂമർഫെഡില് ചന്ത പ്രവർത്തിക്കും. സഹകരണ സ്ഥാപനങ്ങളുടെ സഹായത്തോടുകൂടി ആയിരിക്കും കൺസ്യൂമർഫെഡിന്റെ പ്രവർത്തനം. കഴിഞ്ഞ ദിവസങ്ങളിൽ തന്നെ കൺസ്യൂമർ ഫെഡുകളിലേക്ക് എല്ലാ സാധനങ്ങളും എത്തിച്ചിരുന്നു.
കഴിഞ്ഞ ദിവസം ആണ് റമദാൻ- വിഷു ചന്തകൾ തുടങ്ങാൻ കണ്സ്യൂമർഫെഡിന് ഹൈക്കോടതി അനുമതി നൽകിയത്. തെരഞ്ഞെടുപ്പ് കമ്മീഷന്റെ ഉത്തരവ് ഹൈക്കോടതി പരിഷ്കരിച്ചു. ചന്തകളുടെ നടത്തിപ്പില് തെരഞ്ഞെടുപ്പ് പെരുമാറ്റ ചട്ടലംഘനം കണ്ടെത്തിയാല് തെരഞ്ഞെടുപ്പ് കമ്മീഷന് ഇടപെടാനുള്ള പൂര്ണ്ണ അവകാശവും ഉണ്ടെന്ന് ഹൈക്കോടതി വ്യക്തമാക്കി.
