കണ്ണൂരിൽ അയല്വാസികള് തമ്മിലുള്ള സംഘര്ഷത്തില് ഒരാള് കൊല്ലപ്പെട്ടു. ചെട്ടിപ്പീടിക നമ്പ്യാര്മൊട്ട സ്വദേശി അജയകുമാര് (63) ആണ് കൊല്ലപ്പെട്ടത്. മലിന ജലം ഒഴുക്കുന്നതുമായി ബന്ധപ്പെട്ട തര്ക്കം കൊലപാതകത്തില് കലാശിക്കുകയായിരുന്നു. ഞായറാഴ്ച്ച രാത്രിയാണ് സംഭവം.
സംഭവത്തില് അയല്വാസികളായ നാല് പേരെ കസ്റ്റഡിയിലെടുത്തു. അയൽവാസി ടി ദേവദാസ്, മകൻ സഞ്ജയ് ദാസ്, മകൻ്റെ രണ്ട് സുഹൃത്തുക്കൾ എന്നിവരെയാണ് കസ്റ്റഡിയിലെടുത്തത്. അജയകുമാര് കാര് കഴുകിയ വെള്ളം റോഡിലേക്ക് ഒഴുക്കിയത് മൂവരും ചോദ്യം ചെയ്തത് വാക്ക് തരക്കത്തിലും കൊലപാതകത്തിലും കലാശിക്കുകയായിരുന്നു. നേരത്തെ ഇവര് തമ്മില് പ്രശ്നമുണ്ടായിരുന്നില്ലെന്നാണ് പ്രദേശവാസികള് പറയുന്നത്. ദേവദാസും മക്കളും മദ്യപിച്ചിരുന്നുവെന്ന സംശയം ഇവര് പ്രകടിപ്പിച്ചു.
ആശുപത്രിയില് എത്തിക്കും മുമ്പ് അജയകുമാര് മരണപ്പെട്ടു. മൃതദേഹം കണ്ണൂര് ജില്ലാ ആശുപത്രിയില് സൂക്ഷിച്ചിരിക്കുകയാണ്.
