വിദേശകാര്യ മന്ത്രിയായി ചുമതലയേറ്റ് എസ് ജയശങ്കർ. ജൂൺ ഒൻപതിന് പ്രധാനമന്ത്രി നരേന്ദ്ര മോദി സത്യപ്രതിജ്ഞ ചെയ്തതിന് ശേഷം സത്യപ്രതിജ്ഞ ചെയ്ത ആദ്യ 10 മന്ത്രിമാരിൽ ഒരാളായിരുന്നു അദ്ദേഹം.
“വിദേശകാര്യ മന്ത്രാലയത്തെ നയിക്കാനുള്ള ഉത്തരവാദിത്തം ഒരിക്കൽ കൂടി നൽകപ്പെടുന്നത് ഒരു വലിയ ബഹുമതിയാണ്. കഴിഞ്ഞ ഭരണകാലത്ത് ഈ മന്ത്രാലയം അസാധാരണമായ രീതിയിൽ മികച്ച പ്രകടനം കാഴ്ചവെച്ചു. വാക്സിൻ മൈത്രി വിതരണം ഉൾപ്പെടെ കോവിഡിന്റെ വെല്ലുവിളികൾ ഞങ്ങൾ ഏറ്റെടുത്തു. ഓപ്പറേഷൻ ഗംഗ, ഓപ്പറേഷൻ കാവേരി തുടങ്ങിയ നിർണായക പ്രവർത്തനങ്ങളുടെ കേന്ദ്രം കൂടിയായിരുന്നു ഞങ്ങൾ. കഴിഞ്ഞ ദശകത്തിൽ പ്രധാനമന്ത്രി മോദിയുടെ നേതൃത്വത്തിലുള്ള ഈ മന്ത്രാലയം വളരെ ജനകേന്ദ്രീകൃതമായ ഒരു മന്ത്രാലയമായി മാറി. ഞങ്ങളുടെ മെച്ചപ്പെട്ട പാസ്പോർട്ട് സേവനങ്ങളുടെയും വിദേശത്തുള്ള ഇന്ത്യക്കാർക്ക് ഞങ്ങൾ നൽകുന്ന കമ്മ്യൂണിറ്റി വെൽഫെയർ ഫണ്ട് പിന്തുണയുടെയും കാര്യത്തിൽ നിങ്ങൾക്ക് അത് കാണാൻ കഴിയും “, എസ് ജയശങ്കർ പറഞ്ഞു.
