കൊല്ലം: ചൊവ്വാഴ്ച രാവിലെ മുതലപ്പൊഴി പാലത്തിനു സമീപം നടത്തിയ പരിശോധനയിൽ ചെറുമത്സ്യങ്ങളെ പിടികൂടിയ വള്ളങ്ങൾ ഫിഷറീസ് എൻഫോഴ്സ്മെന്റ് സ്ക്വാഡ് പിടികൂടി. അഞ്ച് തൊഴിലാളികളായിരുന്നു വള്ളങ്ങളിലുണ്ടായിരുന്നത്.ട്രോളിങ് നിരോധനം ലംഘിച്ചാണ് ഇവർ മീൻപിടുത്തം നടത്തിയത്.
പരിശോധനയിൽ 10 സെൻ്റീമീറ്ററിന് താഴെയുള്ള രണ്ട് ബോക്സ് കൊഴിയാള മത്സ്യങ്ങൾ, 25 എച്ച്പി 4 എഞ്ചിനുകൾ, 4 തെർമ്മോക്കോൾ, 9 ലൈറ്റുകൾ, 5 ബാറ്ററികൾ എന്നിവ പിടിച്ചെടുത്തു. വർക്കല ഫിഷറീസ് എക്സ്റ്റൻഷൻ ഓഫീസർ മേൽ നടപടികൾ സ്വീകരിച്ചു.വരും ദിവസങ്ങളിലും പരിശോധന തുടരുമെന്നറിയിച്ചു.
