ഭാരതീയ ന്യായ സംഹിത നിലവിൽ വന്നു. ഇന്ത്യന് പീനല്കോഡിന് പകരം കേന്ദ്രസര്ക്കാര് കൊണ്ടുവന്ന ഭാരതീയ ന്യായ സംഹിതയാണ് ഇന്ന് മുതല് പ്രാബല്യത്തില് വന്നത്.കൊളോണിയൽ കാലത്തെ നിയമങ്ങൾക്കു പകരമാണ് രാജ്യത്ത് പുതിയ ക്രിമിനൽ നിയമങ്ങൾ നിലവിൽ വന്നിരിക്കുന്നത്. ഐപിസിക്ക് പകരം ഭാരതീയ ന്യായസംഹിത, സിആര്പിസിക്ക് പകരം ഭാരതീയ നാഗരിക് സുരക്ഷാസംഹിത, ഇന്ത്യന് തെളിവ് നിയമത്തിന് പകരമായി ഭാരതീയ സാക്ഷ്യ അധിനിയവുമാണ് നിലവില് വന്നത്. 20 പുതിയ കുറ്റങ്ങൾ ചേർത്തിട്ടുണ്ട്.
പുതിയ നിയമമനുസരിച്ച് ക്രിമിനല് കേസുകളില് വിചാരണ പൂര്ത്തിയായി 45 ദിവസത്തിനുള്ളില് വിധി പറയുകയും ആദ്യ വാദം കേട്ട് 60 ദിവസത്തിനകം കുറ്റം ചുമത്തുകയും വേണം. സംഘടിത കുറ്റകൃത്യങ്ങളും തീവ്രവാദത്തിനും നിര്വ്വചനം നല്കുന്ന നിയമമാണ് ഭാരതീയ ന്യായ് സംഹിത. കുട്ടികളെ കൂട്ടബലാത്സംഗം ചെയ്താല് ക്രിമിനല് നിയമം അനുസരിച്ച് വധശിക്ഷ വരെ ലഭിക്കാം. വിവാഹ വാഗ്ദാനം നല്കി ലൈംഗിക അതിക്രമത്തിന് വിധേയമാക്കുന്നത് ഭാരതീയ ന്യായ സംഹിത അനുസരിച്ച് ക്രിമിനല് കുറ്റമാകും.
സ്ത്രീകള്ക്കും കുട്ടികള്ക്കുമെതിരായ കുറ്റകൃത്യങ്ങളില് പുതിയ അധ്യായം കൂട്ടിച്ചേര്ത്തു. പ്രായപൂര്ത്തിയാവാത്ത പെണ്കുട്ടിയെ കൂട്ടബലാത്സംഗം ചെയ്താല് വധശിക്ഷയോ ജീവപര്യന്തം തടവോ ആണ് പുതിയ നിയമത്തില് പറയുന്നത്. സ്ത്രീകള്ക്കും കുട്ടികള്ക്കുമെതിരായ കുറ്റകൃത്യങ്ങള്, കൊലപാതകം, ഭരണകൂടത്തിനെതിരായ കുറ്റകൃത്യങ്ങള് എന്നിവക്കാണ് പുതിയ നിയമത്തില് മുന്തൂക്കം നല്കിയിരിക്കുന്നത്.
ചികിത്സപ്പിഴവുമായി ബന്ധപ്പെട്ട 106–ാം വകുപ്പു പ്രകാരം തിടുക്കപ്പെട്ടുള്ളതോ അശ്രദ്ധയോടെയുള്ളതോ ആയ പ്രവൃത്തി ഒരാളുടെ മരണത്തിലേക്ക് നയിച്ചാൽ 5 വർഷം വരെ തടവുശിക്ഷയും പിഴയും ലഭിക്കും. 33 കുറ്റകൃത്യങ്ങള്ക്ക് തടവുശിക്ഷയും 83 കുറ്റങ്ങള്ക്ക് പിഴയും വര്ധിപ്പിച്ചിട്ടുണ്ട്. 20 പുതിയ കുറ്റകൃത്യങ്ങള് കൂട്ടിച്ചേര്ത്തു. 23 കുറ്റങ്ങള്ക്ക് നിര്ബന്ധിത മിനിമം ശിക്ഷ ഉറപ്പാക്കി. ആറു കുറ്റങ്ങള്ക്ക് സാമൂഹ്യസേവനം ശിക്ഷയായി ചേര്ത്തു.
