‘കിരീടം’ എന്ന ഒറ്റ ചിത്രം കൊണ്ട് പ്രേക്ഷക മനസിൽ ഇടം നേടിയ വില്ലൻ കീരിക്കാടൻ ജോസ് എന്ന നടൻ മോഹൻ രാജ് അന്തരിച്ചു. കുറെ നാളുകളായി അസുഖ ബാധിതനായ നടൻ ചികത്സയിൽ കഴിയുകയിരുന്നു അന്ത്യം സംഭവിച്ചത്. പാര്ക്കിന്സണ്സ് രോഗബാധിതനായിരുന്നു അദ്ദേഹം കഴിഞ്ഞ ദിവസം തിരുവനന്തപുരം കാഞ്ഞിരംകുളത്തെ വീട്ടില് വെച്ചായിരുന്നു അന്തരിച്ചത്.
കസ്റ്റംസില് എന്ഫോഴ്സ്മെന്റ് ഉദ്യോഗസ്ഥന് ആയിരുന്നു. ജോലിയില് നിന്ന് വിരമിച്ചശേഷം കുടംബത്തോടൊപ്പം ചെന്നൈയിലായിരുന്നു താമസം. അതിനിടയിലാണ് അദ്ദേഹം സിനിമകളിൽ സജീവ സാനിദ്യമായ നിന്നത്. 300 ഓളം സിനിമകളില് അഭിനയിച്ചിട്ടുണ്ട്. കെ മധു സംവിധാനം ചെയ്ത ‘മൂന്നാം മുറ’ എന്ന മോഹന്ലാല് ചിത്രത്തിലൂടെയാണ് മലയാള സിനിമയില് അരങ്ങേറ്റം കുറിക്കുന്നത്.
കിരീടം ആയിരുന്നു രണ്ടാമത്തെ ചിത്രം. സിനിമയിലെ കീരിക്കാടന് ജോസ് എന്ന കഥാപാത്രത്തിലാണ് പില്ക്കാലത്ത് മോഹന്രാജ് അറിയപ്പെട്ടത്. മലയാളം, തെലുങ്ക്, തമിഴ് ഭാഷകളില് അദ്ദേഹം അഭിനയിച്ചിട്ടുണ്ട്. അര്ത്ഥം, വ്യൂഹം, രാജവാഴ്ച, മറുപുറം, പുറപ്പാട്, കാസര്കോട് കാദര്ഭായ്, ഉപ്പുകണ്ടം ബ്രദേഴ്സ്, ചെങ്കോല്, ആറാം തമ്പുരാന്, വാഴുന്നോര്, പത്രം, നരസിംഹം എന്നിവയാണ് അദ്ദേഹത്തിന്റെ മുൻനിര ചിത്രങ്ങൾ. ആയുര്വേദ ചികിത്സയ്ക്കായി ചെന്നൈയില് നിന്ന് ഒരു വര്ഷം മുമ്പാണ് അദ്ദേഹം തിരുവനന്തപുരത്ത് എത്തിയത്. ഭാര്യ: ഉഷ, മക്കള്: ജെയ്ഷ്മ, കാവ്യ
