എൻഎസ്എസ് മീനച്ചിൽ താലൂക്ക് യൂണിയൻ പ്രസിഡന്റായിരുന്ന സിപി ചന്ദ്രൻ നായരെ എൻഎസ്എസ് ഡയറക്ടര് ബോര്ഡിൽ നിന്ന് നീക്കം ചെയ്തു. കോട്ടയം ലോക്സഭാ മണ്ഡലം ഇടതുമുന്നണി സ്ഥാനാര്ത്ഥി തോമസ് ചാഴികാടന്റെ തെരഞ്ഞെടുപ്പ് പ്രചാരണ യോഗത്തിൽ പങ്കെടുത്തതിനാണ് ഈ നീക്കം ചെയ്യൽ.
യൂണിയന് പ്രസിഡന്റ് സ്ഥാനത്ത് നിന്ന് ഇന്നലെ മാറ്റിയിരുന്നു. എന്നാൽ താൻ സ്വയം പദവി ഒഴിഞ്ഞതാണെന്നു൦ തന്നെ മാറ്റിയതല്ലെന്നുമായിരുന്നു ചന്ദ്രൻ നായരുടെ പ്രതികരണം. അതിനുപിന്നാലെയാണ് ഇപ്പോൾ അദ്ദേഹത്തെ ഡയറക്ടര് ബോര്ഡിൽ നിന്ന് മാറ്റിയതായി എൻഎസ്എസ് അറിയിച്ചത്. വൈസ് പ്രസിഡന്റിനാണ് ഇപ്പോൾ എൻഎസ്എസ് മീനച്ചിൽ താലൂക്ക് യൂണിയന്റെ പ്രസിഡന്റ് സ്ഥാനം താത്കാലികമായി നൽകിയിരിക്കുന്നത്.
