കോൺഗ്രസിന് ഇപ്പോൾ അത്ര നല്ല സമയമല്ല. ലോക്സഭാ തെരഞ്ഞെടുപ്പിന് മുന്നോടിയായി ലീഡറുടെ മകൾ പത്മജ വേണുഗോപാൽ പാർട്ടിയിൽ നിന്ന് മാറി ബിജെപിയിലേക്ക് മറിയത്തിൻറെ വലിയ ഞെട്ടലിൽ കോൺഗ്രസ് നിൽക്കുമ്പോൾ ഇപ്പോൾ ഇതാ കെ. കരുണാകരന്റെ വിശ്വസ്തനും കോൺഗ്രസ് പാര്ട്ടി വിട്ടു.
ബിജെപിയിലേക്ക് ചേര്ന്നത് തിരുവനന്തപുരം നഗരസഭ മുൻ പ്രതിപക്ഷ നേതാവ് മഹേശ്വരൻ നായർ. മഹേശ്വരൻ നായർ കെപിസിസി എക്സിക്യൂട്ടീവ് അംഗമായിരുന്നു. മഹേശ്വരൻ നായരുടെ പാര്ട്ടി മാറ്റം പത്മജ വേണുഗോപാലിനും പദ്മിനി തോമസിനും പിന്നാലെ കോൺഗ്രസിന് വീണ്ടും തിരിച്ചടി നല്കി കൊണ്ടാണ്. കായിക താരം കൂടിയായിരുന്ന പത്മിനി തോമസ് വര്ഷങ്ങളായുള്ള കോണ്ഗ്രസ് ബന്ധം അവസാനിപ്പിച്ചാണ് ബിജെപിയില് ചേർന്നത്. പദ്മിനി തോമസിനൊപ്പം തിരുവനന്തപുരം ഡിസിസി മുന് ജനറല് സെക്രട്ടറി തമ്പാനൂര് സതീഷ് ബിജെപിയില് ചേരുന്നിരുന്നു.
