ജനങ്ങളുടെ അടിസ്ഥാന പ്രശ്നങ്ങൾ പരിഹരിക്കാൻ മോദി സർക്കാരിന് കഴിഞ്ഞിട്ടില്ലെന്ന് പിസി വിഷ്ണുനാഥ് എംഎൽഎ. മോദി സർക്കാരിന് കോൺഗ്രസ് തുടങ്ങി വച്ച വികസന പ്രവർത്തനങ്ങളിൽ നിന്ന് ഒരു മാറ്റവും വരുത്താൻ കഴിഞ്ഞിട്ടില്ലെന്ന് അദ്ദേഹം പറഞ്ഞു
കുണ്ടറ ഇളമ്പള്ളൂർ ഗുരുദേവ ഓഡിറ്റോറിയത്തിൽ കൊല്ലം ലോക്സഭാ യുഡിഎഫ് സ്ഥാനാർഥി എൻ.കെ. പ്രേമചന്ദ്രന്റെ കുണ്ടറ നിയോജക മണ്ഡലം തെരഞ്ഞെടുപ്പ് കൺവൻഷൻ ഉദ്ഘാടനം ചെയ്ത് പ്രസംഗിക്കുകയായിരുന്നു എ ഐസിസി സെക്രട്ടറി പി.സി .വിഷ്ണുനാഥ് എംഎൽഎ. പ്രേമചന്ദ്രന് സുതാര്യമായ വ്യക്തിത്വമാണ്. സിപിഎമ്മും ബിജെപിയും നാടെങ്ങും അദ്ദേഹത്തിന് ലഭിക്കുന്ന സ്വീകരണങ്ങള് കണ്ട് വിരളി പൂണ്ടിരിക്കുകയാണ്. എന്.കെ. പ്രേമചന്ദ്രനെ കൊല്ലം പാര്ലമെന്റ് മണ്ഡലം ഹാട്രിക് വിജയത്തിനുവേണ്ടി ഇരുകൈയും നീട്ടി സ്വീകരിക്കുമെന്നും അദ്ദേഹം പറഞ്ഞു.
