തിരുവനന്തപുരത്തെ എന്ഡിഎ സ്ഥാനാർത്ഥി ആയ രാജീവ് ചന്ദ്രശേഖര് മണ്ഡലത്തിൽ മികച്ച പ്രചാരണം ആണ് നടത്തുന്നത്. തലസ്ഥാനത്തെ വിജ്ഞാന നഗരമാക്കുമെന്നാണ് അദ്ദേഹം ഇപ്പോൾ പറഞ്ഞിരിക്കുന്നത്.വിദ്യാഭ്യാസ മോഡല് സ്കൂള് തലം മുതല് നടപ്പാക്കും.
സ്വകാര്യ സര്വകലാശാലകള് വരുന്നതിന് ഒരു പ്രധാന തടസ൦ കലാലയങ്ങളില് അക്രമങ്ങള് ഏറുന്നതാണെന്നും അദ്ദേഹം പറഞ്ഞു. വിദ്യാർത്ഥികളും വിദ്യാഭ്യാസ രംഗത്തെ പ്രമുഖരുമായും ഉന്നത വിദ്യാഭ്യാസ മേഖലയിലെ സാധ്യതകളെക്കുറിച്ച് എൻഡിഎ സ്ഥാനാര്ഥി സംവദിച്ചു.
‘കഴിവ് കൊടുക്കാതെ അറിവ് മാത്രം പകര്ന്നുനല്കുന്ന വിദ്യാഭ്യാസത്തിന് പൂര്ണതയില്ല. പുതിയ കാലത്ത് തൊഴില് നൈപുണ്യം അനിവാര്യമാണ്. സ്കൂള് തലം തൊട്ട് മാറ്റങ്ങള് തുടങ്ങണം’. രാജീവ് ചന്ദ്രശേഖര് പറഞ്ഞു.
