ഇന്ന് മുതൽ അഞ്ച് ദിവസത്തേക്കുള്ള മഴ അറിയിപ്പുമായി കേന്ദ്ര കാലാവസ്ഥാ വകുപ്പ് എത്തി . ഇന്ന് മഴ സാധ്യതയുള്ളത് നാല് ജില്ലകളിലാണ്. കേന്ദ്ര കാലാവസ്ഥാ വകുപ്പ് മഴ സാധ്യത പ്രവചിച്ചിട്ടുള്ളത് കൊല്ലം, ആലപ്പുഴ, കോട്ടയം, എറണാകുളം ജില്ലകളിലാണ് .
ആലപ്പുഴയിലും എറണാകുളത്തും മാത്രമാണ് നാളെ മഴ സാധ്യയുള്ളത്. മാർച്ച് 28നും ഈ രണ്ട് ജില്ലകളിൽ നേരിയ മഴയ്ക്ക് സാധ്യതയുണ്ടെന്നാണ് അറിയിപ്പ്. തിരുവനന്തപുരം, കൊല്ലം, ആലപ്പുഴ, എറണാകുളം എന്നീ ജില്ലകളിൽ മാർച്ച് 29ന് മഴ പെയ്യാനിടയുണ്ട്. ഏഴ് ജില്ലകളിൽ മാർച്ച് 30ന് മഴ പെയ്യാൻ സാധ്യതയുണ്ട്. കേന്ദ്ര കാലാവസ്ഥാ വകുപ്പിന്റെ അറിയിപ്പ് പ്രകാരം മഴ സാധ്യത തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലാണ്.
