പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ, യുപി മുഖ്യമന്ത്രി യോഗി ആദിത്യനാഥ് എന്നിവരുൾപ്പെടെ 40 സ്റ്റാർ പ്രചാരകരാണ് ലോക്‌സഭാ തെരഞ്ഞെടുപ്പിൽ ബിഹാറിൽ ബി.ജെ.പിക്ക് വേണ്ടി ക്യാൻവാസ് ചെയ്യുന്നത്.
മധ്യപ്രദേശ് മുഖ്യമന്ത്രി മോഹൻ യാദവിനെക്കൂടാതെ പാർട്ടി അധ്യക്ഷൻ ജെപി നദ്ദ, പ്രതിരോധ മന്ത്രി രാജ്‌നാഥ് സിംഗ്, കേന്ദ്രമന്ത്രിമാരായ നിതിൻ ഗഡ്കരി, സ്മൃതി ഇറാനി, ഗിരിരാജ് സിംഗ്, നിത്യാനന്ദ് റായ് എന്നിവരെയും പാർട്ടി പട്ടികയിൽ ഉൾപ്പെടുത്തിയിട്ടുണ്ട്.
പട്ടികയിൽ ഇടം കണ്ടെത്തിയ സംസ്ഥാന നേതാക്കളിൽ ഉപമുഖ്യമന്ത്രിമാരായ സാമ്രാട്ട് ചൗധരി, വിജയ് കുമാർ സിൻഹ, രേണുദേവി, മംഗൾ പാണ്ഡെ, പ്രേംകുമാർ, നീരജ് കുമാർ സിങ്, സയ്യിദ് ഷാനവാസ് ഹുസൈൻ, സുശീൽ കുമാർ മോദി എന്നിവരും ഉൾപ്പെടുന്നു. സംസ്ഥാനത്തെ 17 ലോക്‌സഭാ സീറ്റുകളിലേക്കുള്ള സ്ഥാനാർത്ഥികളെ ബിജെപി ഞായറാഴ്ച പ്രഖ്യാപിച്ചു. കേന്ദ്രമന്ത്രി അശ്വനി കുമാർ ചൗബെ ഉൾപ്പെടെ നിലവിലുള്ള മൂന്ന് എംപിമാരെ ഒഴിവാക്കി.
