വീടുകളില് തന്നെ 85 വയസു പിന്നിട്ട മുതിര്ന്ന വോട്ടര്മാര്ക്കും ഭിന്നശേഷി വിഭാഗത്തില്പ്പെട്ടവര്ക്കും പാര്ലമെന്റ് തെരഞ്ഞെടുപ്പില് വോട്ട് രേഖപ്പെടുത്താനുള്ള നടപടി ഇത്തവണ ആവിഷ്കരിച്ചിട്ടുണ്ട്.ഇപ്പോൾ പ്രതിപക്ഷ നേതാവ് വി.ഡി സതീശന് ഇതുമായി ബന്ധപ്പെട്ട പരാതികളും ആശങ്കകളും പരിഹരിക്കണമെന്ന് ആവശ്യപ്പെട്ട് മുഖ്യ തിരഞ്ഞെടുപ്പ് ഓഫീസര് സഞ്ജയ് കൗള് ഐ.എ.എസിന് കത്ത് നല്കി.
തിരഞ്ഞെടുപ്പ് തിരിച്ചറിയല് കാര്ഡ് വീട്ടില് വോട്ടു ചെയ്യുന്നവരുടെ പ്രായം സ്ഥിരീകരിക്കുന്നതിന് ആധികാരിക രേഖയാക്കുന്നതിന് പകരം ആധാര് ഉള്പ്പെടെയുള്ള മറ്റ് തിരിച്ചറിയല് രേഖകള് നിര്ബന്ധമാക്കണമെന്ന് പ്രതിപക്ഷ നേതാവ് ആവശ്യപ്പെട്ടു.വീട്ടിലിരുന്ന് വോട്ട് ചെയ്യുന്ന രീതി 2021 ലെ നിയമസഭാ തെരഞ്ഞെടുപ്പില് വ്യാപകമായി ദുരുപയോഗം ചെയ്യപ്പെട്ടു. യു.ഡി.എഫ് സ്ഥാനാര്ത്ഥികളുടെ ഏജന്റുമാരെ വോട്ടിംഗ് സമയക്രമം അറിയിക്കാത്ത സംഭവങ്ങളുമുണ്ടായി. സീല്ഡ് കവറുകള് ഉപയോഗിച്ചില്ലെന്ന ആരോപണവും ഉയര്ന്നിരുന്നു.
വോട്ടിംഗ് സമയക്രമം സ്ഥാനാര്ത്ഥികളുടെ തിരഞ്ഞെടുപ്പ് ഏജന്റുമാരെ വോട്ടിംഗ് പ്രക്രിയ സുതാര്യവും സത്യസന്ധവുമാക്കുന്നതിന് വേണ്ടി മുന്കൂട്ടി അറിയിക്കാനും വോട്ടെടുപ്പ് രാഷ്ട്രീയ പാര്ട്ടികളുടെ ബൂത്ത് ലെവല് ഏജന്റുമാരുടെ സാന്നിധ്യത്തിലാണ് നടക്കുന്നതെന്ന് ഉറപ്പാക്കാനും നടപടി സ്വീകരിക്കണമെന്നും . തപാല് വോട്ടുകള് സീല്ഡ് കവറുകള്ക്ക് പകരം ബാലറ്റ് പെട്ടികളില് തന്നെ സൂക്ഷിക്കാന് കര്ശന നിര്ദ്ദേശം നല്കണമെന്നും കത്തില് പ്രതിപക്ഷ നേതാവ് ആവശ്യപ്പെട്ടു.
