കേന്ദ്രമന്ത്രിയും എൻഡിഎ സ്ഥാനാർത്ഥിയുമായ രാജീവ് ചന്ദ്രശേഖർ തലസ്ഥാന വികസനത്തിനായി ജനങ്ങളിൽ നിന്ന് ആശയങ്ങൾ സ്വീകരിച്ച് മാർഗ്ഗരേഖ ഇറക്കാൻ ഒരുങ്ങുന്നു. രാജീവ് ചന്ദ്രശേഖറിന്റെ പ്രചാരണം ഇനി കാര്യം നടക്കുമെന്ന മുദ്രാവാക്യത്തിൽ മാത്രമൂന്നിയാണ്. പുതിയ പ്രചാരണം ജനങ്ങൾക്ക് നടത്തേണ്ട കാര്യങ്ങൾ അറിയിക്കാൻ ഫോൺ നമ്പർ അടക്കം നൽകിയാണ്. രാജീവ് ചന്ദ്രശേഖർ ഊന്നിപ്പറയുന്നത് വികസനം, വികസനം, വികസനം. പ്രചാരണത്തിന്റെ ഒന്നാം ദിനം മുതൽ ഒറ്റ അജണ്ടയാണ്.
ഇനി കാര്യം നടക്കും എന്ന ടാഗ് ലൈൻ വികസനത്തിനുള്ള ഗ്യാരണ്ടിയും സിറ്റിംഗ് എംപി ശശി തരൂരിനുള്ള കുത്തും. തിരുവനന്തപുരത്തെ ഉന്നത വിദ്യാഭ്യാസ ഹബ്ബാക്കാൻ സ്റ്റഡീഡ് ഇൻ ട്രിവാൻഡ്രം തീരമേഖലയുടെ സമഗ്രവികസനത്തിനുള്ള ബ്ലൂ എക്കണോമി അടക്കം ബ്രാൻഡ് ട്രിവാൻഡ്രത്തിനായി മുന്നോട്ട് വെച്ച ആശയങ്ങളേറെ. 8078070777 എന്ന നമ്പറിൽ വിളിച്ചും മെസേജ് അയച്ചും ആളുകൾക്ക് പത്ത് വരെ ആവശ്യങ്ങൾ മുന്നോട്ട് വെക്കാം. ജനങ്ങളോട് ചോദിച്ചറിയുന്നത് അടുത്ത ഘട്ടമെന്ന നിലക്കാണ് നടത്തേണ്ട കാര്യങ്ങൾ .
