എൽഡിഎഫ് നൽകിയ പരാതിയിൽ യുഡിഎഫ് സ്ഥാനാർഥി ആൻ്റോ ആൻ്റണിയുടെ വികസന ഫണ്ട് ഉപയോഗിച്ച് നിർമിച്ച ബസ് കാത്തിരിപ്പ് കേന്ദ്രങ്ങളിൽ നിന്ന് അദ്ദേഹത്തിൻ്റെ പേരും ഫോട്ടോയും മറച്ചുവെക്കാൻ ജില്ലാ വരണാധികാരി കൂടിയായ പത്തനംതിട്ട ജില്ലാ കലക്ടർ എസ് പ്രേം കൃഷ്ണൻ തെരഞ്ഞെടുപ്പ് സ്ക്വാഡിന് നിർദേശം നൽകി.
ഇതിനുള്ള ചെലവ് ആൻ്റോയുടെ തിരഞ്ഞെടുപ്പ് ചെലവിൽ നിന്ന് കുറയ്ക്കാനും തീരുമാനിച്ചിട്ടുണ്ട്. 63 ബസ് കാത്തിരിപ്പ് കേന്ദ്രങ്ങളിലും 20 4ജി ടവറുകളിലും നിലവിലെ എംപിയുടെ പേരും ചിത്രങ്ങളും മറച്ചുവെക്കണമെന്ന് എൽഡിഎഫ് ആവശ്യപ്പെട്ടിരുന്നു. അതിനിടെ, ആൻ്റോയുടെ പേര് മാറ്റാൻ കഴിയുന്നില്ലെങ്കിൽ തങ്ങളുടെ സ്ഥാനാർഥി തോമസ് ഐസക്കിൻ്റെ പേരും പ്രദർശിപ്പിക്കാൻ അനുവദിക്കണമെന്ന എൽഡിഎഫിൻ്റെ ആവശ്യം വരണാധികാരി തള്ളി.
യുഡിഎഫ് ജില്ലാ ചെയർമാൻ വർഗീസ് മാമൻ നൽകിയ പരാതിയുടെ അടിസ്ഥാനത്തിൽ കഴിഞ്ഞ ദിവസം കുടുംബശ്രീയെ തെരഞ്ഞെടുപ്പ് പ്രചാരണത്തിന് ദുരുപയോഗം ചെയ്തതിന് വരണാധികാരി ഐസക്കിനെ ശാസിച്ചിരുന്നു. എന്നാൽ, കമ്യൂണിറ്റി ഡെവലപ്‌മെൻ്റ് സൊസൈറ്റി വിളിച്ച കുടുംബശ്രീ യോഗമാണിതെന്ന് അറിയില്ലെന്നും പ്രചാരണത്തിനിടെ തന്നെ അവിടെ കൊണ്ടുപോയ പാർട്ടി പ്രവർത്തകർക്കാണെന്നും തോമസ് ഐസക് മാധ്യമങ്ങളോട് പറഞ്ഞു. ഇത്തരമൊരു സംഭവം ഇനി ഉണ്ടാകില്ലെന്നും അദ്ദേഹം പറഞ്ഞു.
