ജസ്റ്റിസ് ഹേമ കമ്മീഷന് റിപ്പോര്ട്ട് പുറത്തു വിടരുതെന്നാവശ്യപ്പെട്ട് ചലച്ചിത്ര നിര്മ്മാതാവ് സജിമോന് പാറയില് നല്കിയ ഹര്ജിയില് ഹൈക്കോടതി വിധി ഇന്ന്. ഉച്ചയ്ക്ക് രണ്ട് മണിക്കാണ് സിംഗിള് ബഞ്ച് വിധി പറയുക. കമ്മീഷൻ റിപ്പോർട്ട് സർക്കാർ പുറത്തുവിടാനിരിക്കേ ആയിരുന്നു റിപ്പോർട്ട് ഹൈക്കോടതി നേരത്തെ താത്കാലികമായി തടഞ്ഞത്.
ജസ്റ്റിസ് വിജി അരുണിന്റെ ബെഞ്ചാണ് വിധി പറയുക. റിപ്പോർട്ട് സ്വകാര്യതയിലേക്കുള്ള കടന്നുകയറ്റം എന്നായിരുന്നു ഹർജിക്കാരന്റെ വാദം. സിനിമ മേഖലയിലെ വനിതകളുടെ തൊഴില് സാഹചര്യം മെച്ചപ്പെടുത്തുവാന് സര്ക്കാരിനൊരു മാര്ഗ്ഗരേഖയാണ് റിപ്പോര്ട്ടെന്ന് വനിത കമ്മീഷനും വാദിച്ചു. എന്നാല് റിപ്പോര്ട്ട് പുറത്തുവിടുന്നത് കമ്മിറ്റിക്ക് മുന്പില് മൊഴി നല്കിയവരുടെയടക്കം സ്വകാര്യതയെ ബാധിക്കുന്ന വിഷയമാണെന്നും, അതിനാല് അനുവദിക്കരുതെന്നും ഹര്ജിക്കാരന് ആവശ്യപ്പെട്ടിട്ടുണ്ട്.
