നടനും,സംവിധായകനുമായ ബാലചന്ദ്ര മേനോനെതിരെ ലൈംഗികപീഢന പരാതിയുമായി ആലുവ സ്വദേശിനിയായ നടി. ‘ദേ ഇങ്ങോട്ട് നോക്ക്യേ’ എന്ന സിനിമ ഷൂട്ടിനിടെ ലൈംഗീകാതിക്രമം നടത്തിയെന്നാണ് പരാതിയിൽ പറയുന്നത്. മുകേഷ് അടക്കം നടന്മാർക്കെതിരെ പരാതി നല്കിയ നടിയാണ് ഇപ്പോൾ നടൻ ബാലചന്ദ്രമേനോനെതിരെ പരാതിയുമായി എത്തിയിരിക്കുന്നത്. പ്രത്യേക അന്വേഷണ സംഘത്തിന് മുന്നിലാണ് നടി പരാതി നൽകിയിരിക്കുന്നത്.
2007 ജനുവരിയില് തിരുവനന്തപുരത്തെ ഹോട്ടല് വച്ച് മുറിയില് വച്ച് ലൈംഗീകാതിക്രമം നടത്തിയെന്നും , ഗ്രൂപ്പ് സെക്സിന് നിർബന്ധിച്ചു,ഹോട്ടല് മുറിയില് കയറി വന്ന് ലൈംഗീക അതിക്രമം നടത്തിയെന്നും പരാതിയിലുണ്ട്. പുറത്ത് പറഞ്ഞാല് ചിത്രീകരിച്ച സിനിമാ രംഗങ്ങള് ഒഴിവാക്കുമെന്നും ഭീഷണിപ്പെടുത്തി. ഭയന്നാണ് പരാതി നല്കാൻ ഇതുവരെ തയ്യാറാകാതിരുന്നതെന്നാണ് നടിയുടെ വിശദീകരണം.
അതേസമയം ആലുവ സ്വദേശിയായ ഈ നടിയും ,അഭിഭാഷകനും ബ്ലാക്മെയില് ചെയ്തെന്നാരോപിച്ച് ബാലചന്ദ്രമേനോൻ സംസ്ഥാന പൊലീസ് മേധാവിക്കും മുഖ്യമന്ത്രിക്കും പരാതി നല്കിയിരുന്നു. കഴിഞ്ഞ സെപ്റ്റംബര് 13ാം തീയതി തനിക്കൊരു ഫോണ്കോള് വന്നിരുന്നു. അഡ്വക്കേറ്റ് സന്ദീപ് എന്നാണ് പരിചയപ്പെടുത്തിയത്. 3 ലൈംഗിക പീഡനക്കേസുകള് താങ്കള്ക്കെതിരെ വരുന്നുവെന്നൊരു മുന്നറിയിപ്പ് നല്കി.
ആ ഫോണ്കോള് അപ്പോള് തന്നെ കട്ട് ചെയ്തു. എന്നാല് അടുത്ത ദിവസം തന്നെ ഈ നടി, അതായത് മുകേഷിനും, മണിയന്പിള്ള രാജുവിനും എതിരെ പരാതി നൽകിയിരുന്നു, പരാതി പറഞ്ഞിട്ടുള്ള ഈ നടി സമൂഹമാധ്യമത്തില് തന്റെയടക്കം ഫോട്ടോ ഷെയര് ചെയ്തുകൊണ്ട് കമിംഗ് സൂണ് എന്ന് പറഞ്ഞ് ലൈംഗിക ആരോപണങ്ങള് സൂചിപ്പിക്കുന്ന ചില പോസ്റ്റുകളിട്ടു എന്നും ബാലചന്ദ്രമേനോൻ പറയുന്നു.
