ആഭ്യന്തര കലാപത്തെ തുടർന്ന് രാജ്യത്ത് അഭയം തേടിയ ബംഗ്ലാദേശ് മുൻ പ്രധാനമന്ത്രി ഷെയ്ഖ് ഹസീന ഇന്ത്യയില് തന്നെയുണ്ടെന്ന് കേന്ദ്ര സർക്കാർ. പാര്ലമെന്റില് ചേർന്ന സര്വകക്ഷി യോഗത്തിലാണ് സര്ക്കാര് ഇക്കാര്യം അറിയിച്ചത്.
കലാപം രൂക്ഷമായതോടെയാണ് പ്രധാനമന്ത്രിപദം രാജിവച്ച് ഹസീന രാജ്യംവിട്ടത്. അഭയം നൽകുന്ന കാര്യത്തില് യുകെയുടെ തീരുമാനം വൈകിയതോടെ തിങ്കളാഴ്ച ഇന്ത്യയില് തങ്ങുകയായിരുന്നു.
ഉന്നത ഉദ്യോഗസ്ഥർ താമസിക്കുന്ന ഗസ്റ്റ് ഹൗസിലാണ് ഹസീനക്ക് ഇന്ത്യ അഭയം ഒരുക്കിയത്. കനത്ത സുരക്ഷയും ഏർപ്പെടുത്തിയിട്ടുണ്ട്.
