വഖഫ് ബോര്ഡ് നിയമ ഭേദഗതി ബില്ല് ജനാധിപത്യ വിരുദ്ധമാണെന്ന് കോണ്ഗ്രസ് പ്രവര്ത്തക സമിതി അംഗം രമേശ് ചെന്നിത്തല. കെപിസിസി ആസ്ഥാനത്ത് മാധ്യമങ്ങളോട് സംസാരിക്കുക ആയിരുന്നു അദ്ദേഹം.
കോടികള് വില വരുന്ന വഖഫ് ഭൂമി പലര്ക്കും വീതിച്ച് നല്കാനുള്ള ഗൂഢമായ നീക്കമാണ് മോദി സര്ക്കാരിന്റെ ഭേദഗതി ബില്ലിന് പിന്നിലുള്ളത്. കേന്ദ്ര സര്ക്കാരിന്റെ ഉദ്ദേശ്യം ഒരിക്കലും അംഗീകരിക്കാന് കഴിയില്ലെന്നും പ്രതിപക്ഷം പാർലമെന്റില് ശക്തമായ നിലപാട് സ്വീകരിക്കുമെന്നും അദ്ദേഹം പറഞ്ഞു.
നിലവിലെ വഖഫ് ബോര്ഡ് നിയമത്തില് വെള്ളം ചേര്ത്ത് മതന്യൂനപക്ഷങ്ങളുടെ താല്പ്പര്യങ്ങള്ക്ക് വിരുദ്ധമായ നിലപാടാണ് കേന്ദ്രസര്ക്കാരിന്റെത്.സംയുക്ത പാര്ലമെന്ററി സമിതിയില് പ്രതിപക്ഷം ശക്തമായ നിലപാട് സ്വീകരിക്കും. ഇത്തരത്തില് ഒരു നിയമം പാസാക്കുന്നത് ഒട്ടും ഗുണകരമല്ലെന്നും രമേശ് ചെന്നിത്തല പറഞ്ഞു.
