ഇറാന് ഇസ്രയേലിനെ ആക്രമിച്ചേക്കുമെന്ന യു.എസ്. മുന്നറിയിപ്പുകള്ക്കിടെ ടെല് അവീവിലേക്കുള്ള വിമാനങ്ങള് റദ്ദാക്കി എയര് ഇന്ത്യ. യാത്രക്കാര്ക്ക് മുഴുവന് തുകയും തിരിച്ചുനല്കുമെന്നും എയര് ഇന്ത്യ പ്രസ്താവനയില് അറിയിച്ചു.ഇസ്രയേല് തലസ്ഥാനമായ ടെല് അവീവിലേക്കും തിരിച്ചുമുള്ള വിമാനസര്വീസുകളാണ് റദ്ദാക്കിയത്.
ഹമാസ് രാഷ്ട്രീയകാര്യമേധാവി ഇസ്മയില് ഹനിയെയുടെ കൊലപാതകത്തെത്തുടര്ന്നാണ് സംഘര്ഷ സാഹചര്യം നിലനില്ക്കുന്നത്. ഡല്ഹിയില്നിന്ന് ടെല് അവീവിലേക്ക് എയര്ഇന്ത്യ ആഴ്ചയില് നാലു സര്വീസുകളാണ് നടത്തുന്നത്. നേരത്തെ, വ്യാഴാഴ്ച വരെയുള്ള വിമാനങ്ങള് എയര് ഇന്ത്യ റദ്ദാക്കിയിരുന്നു.
