വയനാട് ദുരന്ത മേഖലയിൽ ഇന്ന് മുതല് ക്ലാസുകളാരംഭിക്കും. മേപ്പാടി ജിഎച്ച്എസ്എസിലാണ് വെള്ളാർമല സ്കൂൾ ഒരുക്കുന്നത്. മേപ്പാടി പഞ്ചായത്ത് ഹാളിലായിരിക്കും മുണ്ടക്കൈ ജിഎല്പി സ്കൂള് താല്ക്കാലികമായി പ്രവര്ത്തിക്കുക.
ദുരിതാശ്വാസ ക്യാമ്പുകള് പ്രവര്ത്തിച്ചിരുന്ന മേപ്പാടി ഹൈസ്കൂളില് ഉള്പ്പെടെ ഇന്ന് മുതല് ക്ലാസുകളാരംഭിക്കും. ഉരുൾപൊട്ടലിന്റെ പശ്ചാത്തലത്തിൽ രണ്ട് സ്കൂളുകളാണ് പുനക്രമീകരിക്കേണ്ടത്. വിവിധ സന്നദ്ധ സംഘടനകളുമായി സഹകരിച്ച് ജില്ലാ പഞ്ചായത്താണ് മേപ്പാടി ഹൈസ്കൂളിൽ ക്രമീകരണങ്ങൾ വേഗത്തിലാക്കുന്നത്.
മുണ്ടക്കൈ ചൂരൽമല ഗ്രാമങ്ങളിലുണ്ടായ ഉരുൾപൊട്ടലിൽ 500 ൽ അധികം വിദ്യാർത്ഥികൾക്കാണ് ഒരൊറ്റ ദിവസം കൊണ്ട് സ്കൂളില്ലാതെ ആയത്.
