ഡൽഹി ഹൈക്കോടതി വിക്കിപീഡിയയെ വിമർശിക്കുകയും ഇന്ത്യയിൽ നിരോധിക്കുമെന്ന് ഭീഷണിപ്പെടുത്തുകയും ചെയ്തതിന് ശേഷം വിക്കിപീഡിയയുടെ പിന്നിലുള്ള സംഘടനയായ വിക്കിമീഡിയ ഫൌണ്ടേഷൻ തങ്ങളുടെ നിലപാട് വ്യക്തമാക്കി. വിക്കിപീഡിയ ഒരു പ്രസ്താവനയിൽ, ഇന്ത്യയോട് പ്രതിജ്ഞാബദ്ധമാണെന്നും നിരോധനത്തിന്റെ സാധ്യത നേരിടേണ്ടിവരുന്നില്ലെന്ന് ഉറപ്പാക്കാൻ നടപടികൾ സ്വീകരിക്കുമെന്നും ഉറപ്പിക്കുന്നു.
എഎൻഐയുടെ വിക്കിപീഡിയ പേജിൽ നടത്തിയ ഒരു എഡിറ്റിങ്ങിൽ പരാതിയുമായാണ് ഏജൻസി നേരത്തെ ഡൽഹി ഹൈക്കോടതിയെ സമീപിച്ചിരുന്നത്. മോദി സർക്കാരിന്റെ പ്രോപഗണ്ടാ ആയുധമായി പ്രവർത്തിക്കുന്നുവെന്നതുൾപ്പെടെയുള്ള വിവരങ്ങൾ എഡിറ്റ് ചെയ്തു ചേർത്തുവെന്നാണ് വാർത്താ ഏജൻസി പരാതിയിൽ ചൂണ്ടിക്കാട്ടിയത്.
