അഞ്ച് വയസുകാരന് മരുന്ന് മാറിനൽകിയെന്ന പരാതി. മുണ്ടിനീരിന് പകരം നല്കിയത് പ്രെഷറിനുള്ള മരുന്ന്. വരന്തരപ്പിള്ളി കുടുംബാരോഗ്യകേന്ദ്രത്തിലെ ഫാർമസിസ്റ്റിനെതിരെയാണ് പരാതി.ഡോക്ടര് എഴുതി നല്കിയ ഗുളിക ഫാര്മസിസ്റ്റ് തെറ്റി നല്കിയതായാണ് പരാതി. ഈ മാസം മൂന്നിന് ആയിരുന്നു സംഭവം.
കടുത്തതലവേദനയും ഛര്ദിയും ഉണ്ടായതോടെ തൃശ്ശൂര് മെഡിക്കല് കോളജ് ആശുപത്രിയില് കുട്ടി വിദഗ്ദ ചികിത്സ തേടിയിരുന്നു. തുടർന്ന് കുരുപ്പടിയിലെ മരുന്നും ഫാര്മസിസ്റ്റ് നല്കിയ മരുന്നും വേറെയാണെന്ന് കണ്ടെത്തിയത്.
ഡെപ്യൂട്ടി ഡിഎംഒ യുടെ നേതൃത്വത്തിൽ അന്വേഷണം ആരംഭിച്ചു. കുട്ടിയുടെ പിതാവ് കാരികുളം സ്വദേശി കബീറിന്റെ പരാതിയിലാണ് അന്വേഷണം. അതേസമയം ലിസ്റ്റിലുണ്ടായിരുന്ന മരുന്ന് സ്റ്റോക്കുണ്ടായിരുന്നില്ല എന്നാണ് ആശുപത്രി അധികൃതര് അറിയിച്ചത്.
