ബന്ദികളുടെ മോചനത്തിനു കരാറുണ്ടാക്കുന്നതിൽ നെതന്യാഹു സർക്കാർ പരാജയപ്പെട്ടെന്നാരോപിച്ച് ഇസ്രയേലിൽ ജനകീയപ്രക്ഷോഭം. രാജ്യത്തെ ഏറ്റവും വലിയ തൊഴിലാളിസംഘടനയായ ‘ഹിസ്തഡ്രറ്റ്’ ആഹ്വാനം ചെയ്ത ചെയ്ത പണിമുടക്കിൽ ബാങ്കിങ്, വിദ്യാഭ്യാസം, ആരോഗ്യം ഉൾപ്പെടെ മേഖലകൾ സ്തംഭിച്ചു. പ്രധാന രാജ്യാന്തര വിമാനത്താവളത്തിന്റെ പ്രവർത്തനം 2 മണിക്കൂറോളം തടസ്സപ്പെട്ടു.
ഗാസ യുദ്ധം ആരംഭിച്ചതിനുശേഷം ഇത് ആദ്യമായി ആണ് പണിമുടക്ക്. സിസേറിയയിലെ നെതന്യാഹുവിന്റെ സ്വകാര്യ വസതികളിലൊന്നിന് സമീപം പ്രതിഷേധക്കാർ പ്രധാനമന്ത്രി ബെഞ്ചമിൻ നെതന്യാഹുവിന്റെ വീടുകൾ ലക്ഷ്യമിട്ട് തീകൊളുത്തുകയും “നിങ്ങൾ നേതാവാണ്-നിങ്ങൾ കുറ്റക്കാരനാണ്!” എന്ന് മുദ്രാവാക്യം വിളിക്കുകയും ചെയ്തു.
