കഴിഞ്ഞ ദിവസമാണ് നിർമാതാവും നടിയുമായ ഷീലു എബ്രഹാം ടൊവിനോ തോമസ്, ആന്റണി വർഗീസ്, ആസിഫ് അലി എന്നീ നടന്മാർക്കെതിരെ സോഷ്യൽ മീഡിയയിൽ കൂടി വിമർശനം ഉന്നയിച്ച് രംഗത്ത് വന്നത്, ഇവർ പരസ്പരം തങ്ങളുടെ സിനിമകൾ ഒരു വീഡിയോയിലൂടെ പ്രൊമോട്ട് ചെയ്തിരുന്നു. എന്നാൽ പക്ഷെ തന്റെ ബാഡ് ബോയ്സ് ഉൾപ്പെടെയുള്ള മറ്റ് ഓണം റിലീസുകളെ ഈ നടന്മാർ അവഗണിച്ചു എന്നായിരുന്നു ഷീലു എബ്രഹാമിന്റെ വിമർശനം.
വിമർശനമറിയിച്ചുള്ള ഷീലു അബ്രഹാമിന്റെ ഫെയ്സ്ബുക്ക് കുറിപ്പിൽ പവർ ഗ്രൂപ്പ് എന്ന് പരാമർശിച്ചു. ഇത് വലിയ തോതിൽ സോഷ്യൽ മീഡിയയിൽ ചർച്ചയായി മാറി. എന്നാൽ തന്റെ വിമർശനത്തെ വളച്ചൊടിക്കരുതെന്നാണ് ഷീലു എബ്രഹാം പറയുന്നത്. അതിനെ വളച്ചൊടിച്ച് , പവർ ഗ്രൂപ്പിനെക്കുറിച്ചുള്ള ചോദ്യത്തിന്റെ ആവശ്യമില്ല എന്നാണ് നടി പറയുന്നത്.കൃത്യമായി വളരെ ചുരുങ്ങിയ വാക്കുകളിൽ തന്റെ സങ്കടം അവിടെ പറഞ്ഞിട്ടുണ്ട്. ഒരു വളച്ചൊടിക്കലിന്റെയും ആവശ്യമില്ല.
പെപ്പെയുടെയും ,ടൊവിനോയുടെയും ,ആസിഫിന്റെയും സിനിമകൾ നന്നാകണമെന്നാണ് താൻ ആഗ്രഹിക്കുന്നത്. പോസ്റ്റ് കണ്ടിട്ട് തന്നെ അവർ ആരും വിളിച്ചിട്ടില്ലെന്നും ഷീലു എബ്രഹാം വ്യക്തമാക്കി. അതിൽ വിഷമമില്ല. ഓണം സിനിമകളെന്ന് പറയുമ്പോൾ കോംപറ്റീഷൻ ഉണ്ടാകും. എല്ലാവരും ആർട്ടിസ്റ്റുകളാണ് എന്നും , അവർക്ക് വിഷമം വന്നതിൽ തന്റെ വിഷമം താനറിയിക്കുന്നു. തങ്ങളുടെ സങ്കടം മാത്രമാണ്. അത് ദയവ് ചെയ്ത് നിങ്ങളാരും മറ്റൊരു രീതിയിൽ വളച്ചൊടിക്കരുതെന്നും ഷീലു എബ്രഹാം പറയുന്നു.
