വാളയാര് കേസില് സിബിഐ കുറ്റപത്രത്തിനെതിരെ ഉടന് കോടതിയെ സമീപിക്കുമെന്ന് വ്യക്തമാക്കി കുടുംബം. തങ്ങൾ പോസ്റ്റ്മോര്ട്ടം റിപ്പോര്ട്ടിലാണ് മക്കള് പീഡിപ്പിക്കപ്പെട്ടത് അറിഞ്ഞതെന്നും ,ബന്ധുവായ പ്രതി മകളോട് മോശമായി പെരുമാറിയത് ശ്രദ്ധയിപ്പെട്ടപ്പോള് വീട്ടില് കയറി തല്ലിയെന്നും കുടുംബം വെളിപ്പെടുത്തി. അന്ന് പരാതി നൽകാതിരുന്നത് ഇതിനെക്കുറിച്ചുള്ള നിയമ വശങ്ങൾ അറിയാഞ്ഞതിന്റെ പേരിലാണന്നാണ് വാദം, കുടുംബം പ്രോസിക്യൂട്ടറെ മാറ്റാന് വീണ്ടും സര്ക്കാരിനെ സമീപിക്കുമെന്നും വ്യക്തമാക്കിയിട്ടുണ്ട്. അതുപോലെ അഡ്വ.രാജേഷ്.എം.മേനോനെ ഇനിയെങ്കിലും പ്രോസിക്യൂട്ടറായി നിയമിക്കണമെന്നും കുടുംബം ആവശ്യപെട്ടിട്ടുണ്ട്.
സിബിഐ കുറ്റപത്രം യഥാര്ത്ഥ പ്രതികളെ സംരക്ഷിക്കുന്നു
ഇരയുടെ കുടുംബത്തിന്റെ അവകാശമാണ് വിശ്വാസമുള്ള പ്രോസിക്യൂട്ടര് വേണമെന്നത്. നിലവിലെ പ്രോസിക്യൂട്ടര് ഫോണില് പോലും വിളിച്ച് വിവരങ്ങള് തേടിയിട്ടില്ല. പ്രോസിക്യൂട്ടറെ മാറ്റാന് വീണ്ടും സര്ക്കാരിനെ സമീപിക്കുമെന്ന് കുട്ടികളുടെ കുടുംബം വെളിപ്പെടുത്തി.അതേസമയം സിബിഐ കുറ്റപത്രം യഥാര്ത്ഥ പ്രതികളെ സംരക്ഷിക്കുന്നതിനും നീതിക്കു വേണ്ടി സമരം ചെയ്യുന്ന മാതാപിതാക്കളെ പീഡിപ്പിക്കുന്നതിനുമാണെന്ന് വാളയാര് നീതിസമരസമിതി ആരോപിച്ചിരുന്നു. ഈ കേസില് സിബിഐ ആദ്യം സമര്പ്പിച്ച കുറ്റപത്രം പാലക്കാട് പോക്സോ കോടതി തള്ളിയതിനെ, തുടര്ന്ന് നിയോഗിക്കപ്പെട്ട സിബിഐയുടെ രണ്ടാം അന്വേഷണസംഘവും കേസില് കൊലപാതകത്തിന്റെ സാധ്യത തേടുകപോലും ഉണ്ടായില്ല.
വാളയാർ കേസിൽ അമ്മയെയും ,അച്ഛനെയും പ്രതിചേർത്താണ് കുറ്റപത്രം
കഴിഞ്ഞ ദിവസം വാളയാര് കേസില് പെണ്കുട്ടികളുടെ അച്ഛനേയും, അമ്മയേയും പ്രതി ചേര്ത്താണ് സിബിഐ അനുബന്ധ കുറ്റപത്രം സമർപ്പിച്ചത്. തിരുവനന്തപുരം സിബിഐ യൂണിറ്റാണ് കൊച്ചി സിബിഐ മൂന്നാം കോടതിയില് കുറ്റപത്രം സമര്പ്പിച്ചത്. ആറ് കേസുകളിലാണ് കുറ്റപത്രം സമര്പ്പിച്ചത്. പ്രേരണ കുറ്റം ചുമത്തിയ കുറ്റപത്രത്തില് കുട്ടികളുടെ അച്ഛനും അമ്മയും പ്രതികളാണ്. കുട്ടികള് ബലാത്സംഗത്തിന് ഇരയായ വിവരം മുന്കൂട്ടി അറിഞ്ഞിട്ടും മാതാപിതാക്കള് പൊലീസിനെ അറിയിച്ചില്ല, അതുകൊണ്ടാണ് അടിമഹത്യപ്രേരണ കുറ്റം ചുമത്തി പ്രതികളാക്കിയത്.
വാളയാറിൽ യഥാർത്ഥത്തിൽ നടന്നത് വീഡിയോ കാണാം
