നിലമ്പൂർ എംഎൽഎ സ്ഥാനം രാജിവെച്ച പി വി അൻവറിനെതിരെ മുഖ്യമന്ത്രിയുടെ പൊളിറ്റിക്കൽ സെക്രട്ടറി പി ശശി. പി വി അൻവർ പറഞ്ഞതെല്ലാം പച്ചക്കള്ളം, രാഷ്ട്രീയ അഭയം ഉറപ്പിക്കാനുള്ള ഗൂഢാലോചനയാണിത് പി ശശി പറഞ്ഞു. താൻ ഒരിക്കലും പ്രതിപക്ഷ നേതാവി വി ഡി സതീശനെതിരെ ആരോപണം ഉന്നയിക്കാൻ പറഞ്ഞിട്ടില്ല. അൻവർ ചെയ്ത കാര്യങ്ങൾ മറ്റുള്ളവരുടെ തലയിൽ കെട്ടിവെക്കാനുള്ള ശ്രമമാണ് പി ശശി ആരോപിച്ചു.അൻവർ കള്ളമാണ് പറയുന്നത് പി ശശി പറയുന്നു.
പി ശശിയുടെ നിര്ദേശ പ്രകാരം അഴിമതി ആരോപണം ഉന്നയിച്ചു, അൻവർ
അതേസമയം മുൻപ് താൻ ഉന്നയിച്ച അഴിമതി ആരോപണത്തിൽ പ്രതിപക്ഷ നേതാവ് വി ഡി സതീശനോട് പി വി അന്വര് മാപ്പ് ചോദിച്ചിരുന്നു.തന്റെ രാജിക്ക് പിന്നാലെ ഉന്നയിച്ച അഴിമതി ആരോപണം പിൻവലിച്ച് സംസാരിക്കുകയായിരുന്നു പി വി അൻവർ, മുഖ്യമന്ത്രിയുടെ പൊളിറ്റിക്കല് സെക്രട്ടറി പി ശശിയുടെ നിര്ദേശ പ്രകാരമാണ് താൻ ആരോപണം ഉന്നയിച്ചതെന്ന് പി വി അന്വര് വെളിപ്പെടുത്തി.നിരന്തരം മുഖ്യമന്ത്രിക്കും കുടുംബത്തിനുമെതിരെ പ്രതിപക്ഷം നടത്തുന്ന ആരോപണങ്ങളില് അമര്ഷം ഉണ്ടായിരുന്നു. അങ്ങനെയാണ് പി ശശിയുടെ നിര്ദേശ പ്രകാരം അഴിമതി ആരോപണം ഉന്നയിച്ചതെന്നും അന്വര് വെളിപ്പെടുത്തി.
150 കോടിയുടെ അഴിമതി സതീശന് നടത്തിയെന്ന് എംഎല്എ സഭയില് ഉന്നയിക്കണമെന്ന് അൻവർ
പാപഭാരങ്ങള് ചുമന്നാണ് നടക്കുന്നത്. മുഖ്യമന്ത്രിക്കെതിരെയും കുടുംബത്തിനെതിരെയും നിരവധി ആരോപണങ്ങള് മാത്യു കുഴല്നാടന് ഉള്പ്പെടെയുള്ളവര് കൊണ്ടുവന്നിരുന്നു. അതില് പ്രതിപക്ഷത്തോട് വിദ്വേഷം ഉണ്ടായിരുന്നു. ഈ ഘട്ടത്തില് മുഖ്യമന്ത്രിയുടെ പൊളിറ്റിക്കല് സെക്രട്ടറി പി ശശിയാണ് സതീശനെതിരെ ആരോപണം ഉന്നയിക്കാന് പറയുന്നത്. 150 കോടിയുടെ അഴിമതി സതീശന് നടത്തിയെന്ന് എംഎല്എ സഭയില് ഉന്നയിക്കണമെന്ന് പറഞ്ഞു. അതിൽ തനിക്കും ആവേശമുണ്ടായി അൻവർ പറഞ്ഞു.
