കേന്ദ്ര ബജറ്റില് കേരളത്തെ പൂര്ണ്ണമായും അവഗണിച്ച കേന്ദ്ര നിലപാടില് കടുത്ത പ്രതിഷേധം രേഖപ്പെടുത്തി റവന്യൂ മന്ത്രി കെ.രാജന്. കേരളം ഇന്ത്യയില് അല്ല എന്ന രീതിയിലാണ് കേന്ദ്ര സര്ക്കാരിന്റെ നിലപാട്. രണ്ട് സംസ്ഥാനങ്ങള്ക്ക് മാത്രമായുള്ള ബജറ്റാണ് ധനമന്ത്രി അവതരിപ്പിച്ചതെന്ന് ഒറ്റ നോട്ടത്തില് തോന്നിപോകും. രണ്ട് കേന്ദ്ര സഹമന്ത്രിമാര് കേരളത്തില് ഉണ്ടായിട്ടു കൂടി കേരളത്തിന് വേണ്ടി ഇടപെടാന് കഴിഞ്ഞില്ല എന്ന വിമര്ശനം കൂടി റവന്യൂ മന്ത്രി രേഖപ്പെടുത്തി.
വിനോദ സഞ്ചാരത്തിന് ഏറ്റവും അധികം പ്രാമുഖ്യം നല്കുന്ന സംസ്ഥാനമായിട്ടു പോലും ഒരു കേന്ദ്ര ടൂറിസം സഹ മന്ത്രി ഉണ്ടായിട്ടു കൂടി ടൂറിസം മേഖലയില് പോലും ഒരു പദ്ധതിയും കൊണ്ടുവരാന് കഴിയാത്തത് ഏറെ പ്രതിഷേധാര്ഹമാണെന്നും മന്ത്രി പറഞ്ഞു. എയിംസ് അടക്കം കേരളം പ്രതീക്ഷ പുലര്ത്തിയ പല പദ്ധതികളും ഉണ്ടായിരുന്നെങ്കിലും ഒരു പരിഗണനയും നല്കാത്ത ഈ ബജറ്റിനെതിരെ കേരള ജനത ഒന്നാകെ പ്രതികരിക്കണമെന്നും മന്ത്രി കെ.രാജന് പറഞ്ഞു .
