വയനാട് ഉരുൾപൊട്ടലിൽ മണ്ണില് കുടുങ്ങിയ ആളെ മണിക്കൂറുകള്ക്കുശേഷം അതിസാഹസികമായി രക്ഷപ്പെടുത്തി. മുട്ടോളം ചെളിയില് കുടുങ്ങി നിന്നയാളുടെ ദൃശ്യങ്ങളും നേരത്തെ പുറത്തുവന്നിരുന്നു. ബ്ലോക്ക് പഞ്ചായത്ത് അംഗം രാഘവനാണ് ഈ ദൃശ്യങ്ങൾ ചാനലുകൾക്ക് അയച്ചുകൊടുത്തത്. രക്ഷപ്പെടുത്താൻ സഹായം അഭ്യര്ത്ഥിച്ചെങ്കിലും രക്ഷാപ്രവര്ത്തകര്ക്ക് ആദ്യം അടുത്തേക്ക് എത്താനായിരുന്നില്ല.
യുവാവ് കുടുങ്ങിയ മറ്റുഭാഗങ്ങളിൽ കുത്തൊഴുക്കുണ്ടായിരുന്നു, ഇത് അതിജീവിച്ച് രക്ഷാപ്രവര്ത്തകര് ആളുടെ അടുത്തെത്തി ചെളിയില് നിന്ന് പുറത്തെടുക്കുകയായിരുന്നു. രക്ഷാപ്രവർത്തനത്തിന് വൈദ്യസഹായം നൽകി. അദ്ദേഹത്തെ അടുത്തുള്ള ആശുപത്രിയിലെത്തിച്ചു.മണ്ണില് കുടുങ്ങിയ ആളുടെ വിവരങ്ങള് ലഭ്യമായിട്ടില്ല. നിരവധിപേര് ദുരന്തമേഖലയില് കുടുങ്ങിയിട്ടുണ്ടെന്നാണ് നാട്ടുകാര് നല്കുന്ന വിവരം.
