പെരുമ്പാവൂര് ജിഷ വധക്കേസിൽ ശിക്ഷിക്കപ്പെട്ട അമീറുൽ ഇസ്ലാമിന്റെ വധശിക്ഷയ്ക്ക് അനുമതി തേടി സർക്കാർ സമർപ്പിച്ച അപേക്ഷയിൽ മെയ് 20 തിങ്കളാഴ്ച വിധി പറയും.
കുറ്റവിമുക്തനാക്കണമെന്നാവശ്യപ്പെട്ട് പ്രതി നൽകിയ അപ്പീലിലും അന്നേ ദിവസം വിധിയുണ്ടാകും. കൊച്ചിയിലെ വിചാരണ കോടതിയാണ് നേരത്തെ അമിറുൾ ഇസ്ലാമിനെ വധശിക്ഷയ്ക്ക് വിധിച്ചത്.
2016 ഏപ്രില് 28നായിരുന്നു പെരുമ്പാവൂരില് ഇരിങ്ങോള് എന്ന സ്ഥലത്ത് കനാല് പുറമ്പോക്കില് താമസിക്കുന്ന നിയമവിദ്യാര്ത്ഥിയായിരുന്ന ജിഷ എന്ന യുവതി ക്രൂരമായി കൊല്ലപ്പെട്ടത്. ആഴ്ചകള് നീണ്ട അന്വേഷണത്തിനൊടുവില് 2016 ജൂൺ 16നാണ് അസം സ്വദേശിയായ അമീറുള് ഇസ്ലാം പിടിയിലാകുന്നത്.
തുടര്ന്ന് മാസങ്ങള് നീണ്ട വിചാരണയ്ക്കൊടുവിലാണ് അമീറുള് ഇസ്ലാമിനെ കൊച്ചിയിലെ വിചാരണ കോടതി വധശിക്ഷയ്ക്ക് വിധിക്കുന്നത്. ഈ വിധിക്കെതിരെയാണ് അമീറുല് ഇസ്ലാം ഹൈക്കോടതിയില് അപ്പീല് നല്കിയത്. താൻ പ്രതിയല്ല, തനിക്കെതിരായ തെളിവുകള് പൊലീസ് കെട്ടിച്ചമച്ചതാണ്, തന്നെ പിടികൂടിയ ശേഷം പൊലീസ് ശാസ്ത്രീയ തെളിവുകളുണ്ടാക്കുകയായിരുന്നു, മറ്റാരോ ആണ് കൊലപാതകതം നടത്തിയിരിക്കുന്നത്, ജിഷയെ മുൻപരിചയമില്ല എന്നീ വാദങ്ങളാണ് അപ്പീലില് പ്രീതി മുന്നോട്ടുവച്ചിട്ടുള്ളത്. 20ന് ഉച്ചയ്ക്ക് 1.45നായിരിക്കും കേസിൽ കോടതി നടപടികൾ ആരംഭിക്കുക.
