മുഖ്യമന്ത്രി പിണറായി വിജയന്റെ മകള് വീണാ വിജയൻ അനാഥാലയങ്ങളിൽ നിന്ന് പണം വാങ്ങിയെന്നാരോപണവുമായി മാത്യു കുഴല്നാടന് എം.എല്.എ. അനാഥാലയങ്ങളില്നിന്ന് വീണ മാസപ്പടി കൈപ്പറ്റിയെന്നാണ് മാത്യു നിയമസഭയില് ആരോപണം ഉന്നയിച്ചു. അതേസമയം, പ്രസംഗത്തിനിടെ മാത്യുവിന്റെ മൈക്ക് സ്പീക്കര് എ.എന്. ഷംസീര് ഓഫ് ചെയ്തു.
രജിസ്ട്രാർ ഓഫ് കമ്പനീസിന്റെ രേഖകളിൽ എല്ലാ മാസവും അനാഥാലയങ്ങളിൽ നിന്ന് വീണാ വിജയൻ പണം പറ്റി എന്ന് വ്യക്തമാക്കുന്നുവെന്ന് മാത്യു കുഴൽനാടൻ പറഞ്ഞു. ‘സി.എം.ആര്.എല്ലില്നിന്ന് മാസപ്പടി വാങ്ങിയതിനെക്കുറിച്ചാണ് ഇതുവരെ കേട്ടത്. ആര്.ഒ.സി. അയച്ചൊരു നോട്ടീസില് പറയുകയാണ്, ഹാജരാക്കിയ ബാങ്ക് സ്റ്റെമെന്റുകളിൽ നിന്ന് കമ്പനി ഏതാണ്ട് മാസംതോറം വിവിധ ജീവകാരുണ്യസ്ഥാപനങ്ങളും സംഘടനകളിലുംനിന്ന് പണം കൈപ്പറ്റുന്നതായി വ്യക്തമായി.
ഓരോ അനാഥാലയങ്ങളൾക്കും നാട്ടുകാരാണ് അങ്ങോട്ട് പണം നൽകുന്നത്. എങ്ങനെയാണ് മുഖ്യമന്ത്രിയുടെ മകള് അനാഥാലയങ്ങളില്നിന്ന് മാസാമാസം പണം വാങ്ങുന്നതെന്ന് ‘മാത്യു ചോദിച്ചു’. എന്നാല്, മാത്യു സ്ഥിരമായി ഇത്തരം ആരോപണങ്ങള് ഉന്നയിക്കുകയാണെന്നും അതിനുള്ള വേദിയല്ല നിയമസഭയെന്നും സ്പീക്കര് ഇടപെട്ടുപറഞ്ഞു.
