കുഞ്ഞൂഞ്ഞ് ഇല്ലാത്ത കേരള രാഷ്ട്രീയവും ഒരുവര്ഷം പിന്നിടുകയാണ്. സംസ്ഥാന വ്യാപകമായി കോൺഗ്രസ്, ഉമ്മൻ ചാണ്ടിയുടെ ഓർമ്മ പുതുക്കാനായി നിരവധി അനുസ്മരണ പരിപാടികളാണ് സംഘടിപ്പിച്ചിരിക്കുന്നത്. ഉമ്മൻചാണ്ടിയുടെ ഒന്നാം ചരമവാർഷികാചരണം ഉമ്മൻചാണ്ടി ഫൗണ്ടേഷന്റെ നേതൃത്വത്തിൽ വ്യാഴാഴ്ച 11-ന് പുതുപ്പള്ളി പള്ളി ഓഡിറ്റോറിയത്തിൽ നടക്കും.
ഒരു വർഷം തികയുമ്പോഴും ഉമ്മൻചാണ്ടിയോടുള്ള ഹൃദയബന്ധം പുതുപ്പള്ളിക്ക് അവസാനിക്കുന്നില്ല. പുതുപ്പള്ളി പള്ളിയിലെ കല്ലറയിലേക്ക് ഒരുവർഷം പിന്നിടുമ്പോഴും ഒഴിയാത്ത ജന പ്രവാഹമാണ്. വൈകുന്നേരം നടക്കുന്ന അനുസ്മരണ സമ്മേളനം പ്രതിപക്ഷ നേതാവ് വി.ഡി.സതീശന് ഉദ്ഘാടനം ചെയ്യും.
പ്രതിപക്ഷ ഉപനേതാവ് പി.കെ.കുഞ്ഞാലിക്കുട്ടി, എം.എ.ബേബി, എന്.കെ.പ്രേമചന്ദ്രന് എം.പി, കെ.മുരളീധരന്, പന്ന്യന് രവീന്ദ്രന്, എം.വിന്സന്റ് എം.എല്.എ, ജോണ് മുണ്ടക്കയം, എം.എസ്.ഫൈസല്ഖാന് തുടങ്ങിയവര് സംസാരിക്കും. ജില്ലയിലെ 1546 വാര്ഡുകളിലാണ് ഉമ്മന് ചാണ്ടി സ്നേഹസ്പര്ശം ജീവകാരുണ്യപദ്ധതി നടപ്പിലാക്കുന്നത്.
