സിനിമ കോണ്ക്ലേവുമായി സർക്കാര് മുന്നോട്ട്. നവംബർ 24 ന് കൊച്ചിയിൽ കോണ്ക്ലേവ് നടത്താനാണ് ആലോചന. നാലര വര്ഷമായി ഹേമ കമ്മിറ്റി റിപ്പോര്ട്ട് കയ്യിലുണ്ടായിട്ടും എന്ത് ചെയ്തെന്ന ചോദ്യത്തിനാണ് കോണ്ക്ലേവ് എന്ന മറുപടി സര്ക്കാര് നല്കുന്നത്. അതേസമയം, കോണ്ക്ലേവുമായി സഹകരിക്കില്ലെന്ന് പ്രതിപക്ഷം വ്യക്തമാക്കിയിട്ടുണ്ട്.
സമഗ്രമായ സിനിമാ നയം രൂപീകരിക്കുന്നതിന് മുന്നോടിയായാണ് സിനിമാ മേഖലയിലെ എല്ലാ വിഭാഗങ്ങളിൽ നിന്നുമുള്ള പ്രമുഖരെ ഉൾപ്പെടുത്തി വിപുലമായ കോൺക്ലേവ് നടത്തുന്നതെന്നാണ് സര്ക്കാര് വിശദീകരണം. ഇരകളെയും വേട്ടക്കാരേയും ഒരുമിച്ചിരുത്തിയാണോ കോൺക്ലേവ് എന്ന് ഡബ്ലിയുസിസിയുടെ പരിഹാസവും ഉണ്ട്. വിദേശ ഡെലിഗേറ്റുകൾ അടക്കം 350 പേരെ പങ്കെടുപ്പിക്കും.
