ഹരിയാന തെരഞ്ഞെടുപ്പില് മത്സരിച്ചേക്കുമെന്ന അഭ്യൂഹങ്ങള്ക്കിടെ ഗുസ്തി താരം വിനേഷ് ഫോഗട്ട് രാഹുല് ഗാന്ധിയെ കണ്ടു. ആംആദ്മി പാര്ട്ടിയുമായുള്ള സീറ്റ് വിഭജന ചര്ച്ചപൂര്ത്തിയായാല് ഉടന് സ്ഥാനാര്ത്ഥി പട്ടിക പ്രഖ്യാപിക്കും. ഹരിയാന തെരഞ്ഞടുപ്പിലേക്കുള്ള സ്ഥാനാര്ത്ഥി ചര്ച്ച ചൂടുപിടിക്കുന്നതിനിടെയാണ് വിനേഷ് ഫോഗട്ട് രാഹുല് ഗാന്ധിയെ കണ്ടത്.
ഹരിയാന തെരഞ്ഞടുപ്പിലേക്കുള്ള സ്ഥാനാര്ത്ഥി ചര്ച്ച ചൂടുപിടിക്കുന്നതിനിടെയാണ് വിനേഷ് ഫോഗട്ട് രാഹുല് ഗാന്ധിയെ കണ്ടത്. ബജരംഗ് പുനിയയും കൂടിക്കാഴ്ചയിലുണ്ടായിരുന്നു. രാഹുല് ഗാന്ധിയുടെ വസതിയില് നടന്ന കൂടിക്കാഴ്ചക്ക് ശേഷമെടുത്ത ചിത്രം കോണ്ഗ്രസാണ് പുറത്ത് വിട്ടത്.
രാഷ്ട്രീയത്തില് സജീവമാകണമെന്ന ആഗ്രഹം അടുപ്പമുള്ളവരോടെ വിനേഷ് പങ്കു വച്ചതായാണ് വിവരം. കര്ഷക പ്രതിഷേധത്തില് കഴിഞ്ഞ ദിവസം വിനേഷ് ഫോഗട്ട് പങ്കെടുത്തതും ചര്ച്ചയായിട്ടുണ്ട്.
