എഡിജിപി-ആർഎസ് എസ് നേതാവ് കൂടിക്കാഴ്ചയിൽ തെറ്റില്ല ന്യായീകരിച്ച് നിയമസഭാ സ്പീക്കര് എ എന് ഷംസീര്. ആര്എസ്എസ് രാജ്യത്തെ പ്രധാനപ്പെട്ട സംഘടനയാണെന്നും ആ സംഘടനയിലെ നേതാക്കളുമായുള്ള കൂടിക്കാഴ്ചയെ ഗൗരവമായി കാണേണ്ടെന്നും സ്പീക്കര് പറഞ്ഞു.
എഡിജിപി എം ആര് അജിത് കുമാര് മന്ത്രിമാരുടെ ഫോണ് ചോര്ത്തിയെന്ന പി വി അന്വര് എംഎല്എയുടെ ആരോപണം തെറ്റാണെന്നും അദ്ദേഹം പറഞ്ഞു. അജിത് കുമാറിനെ പിന്തുണക്കുന്ന വേളയില് സ്പീക്കര് ആര്എസ്എസിനെക്കുറിച്ച് നടത്തിയ പരാമര്ശം ചര്ച്ചയായതോടെ മറുപടിയുമായി സ്പീക്കര് വീണ്ടും രംഗത്തെത്തിയത്.
