നവീൻ ബാബുവിന്റെ ആത്മഹത്യാ കേസില് പ്രതിയായ പി.പി. ദിവ്യ കീഴടങ്ങുമെന്ന അഭ്യൂഹങ്ങള് തള്ളി ദിവ്യയോട് അടുത്ത വൃത്തങ്ങള്. ദിവ്യയുടെ നിലപാട് മുൻകൂർ ജാമ്യഹർജിയിലെ ഉത്തരവിന് ശേഷം തീരുമാനമെടുക്കും എന്നതാണ്ന്നാണ് അടുത്ത വ്യത്തങ്ങളില് നിന്നും ലഭിച്ച വിവരം.ആത്മഹത്യാ പ്രേരണാകുറ്റം ചുമത്തിയാണ് ദിവ്യക്കെതിരെ കേസെടുത്തിരിക്കുന്നത്.
ഈ കേസിന്റെ പേരിലുള്ള വിവാദങ്ങൾ തെരഞ്ഞെടുപ്പ് വേളയില് ആയുധമാക്കുന്ന സാഹചര്യത്തില് അന്വേഷണസംഘത്തിന് മുന്നില് ഹാജരാകാൻ ദിവ്യക്ക് സിപിഎം നിര്ദ്ദേശ൦ നൽകിയിരുന്നു.
എന്നാലിപ്പോൾ വിധിയെന്തെന്ന് അറിഞ്ഞ ശേഷം കീഴടങ്ങുന്നതില് തീരുമാനമെടുക്കാമെന്നാണ് ദിവ്യയുടെ ഇപ്പോളത്തെ നിലപാട്. അഴിമതിക്കെതിരെ നല്ല ഉദ്ദേശത്തോടുകൂടിയാണ് യാത്രയയപ്പ് യോഗത്തിലെ പ്രസംഗമെന്നും ആത്മഹത്യക്ക് പ്രേരിപ്പിക്കുന്ന ഒരു വാക്കുപോലുമില്ലെന്നുമാണ് ദിവ്യയുടെ ജാമ്യഹർജിയിലെ വാദം.
