പൂരം കലക്കിൽ ഡിജിപി തള്ളിക്കളഞ്ഞ എം ആർ അജിത്കുമാറിന്റെ റിപ്പോർട്ട് പുറത്ത്, ഈ റിപ്പോർട്ടിൽ തിരുവമ്പാടി ദേവസ്വത്തിന് രൂക്ഷ വിമർശനമാണുള്ളത്. ദേവസ്വത്തിലെ ചിലർ ഗൂഢാലോചന നടത്തിയെന്നും പൂര നാളിൽ ബോധപൂർവം കുഴപ്പം ഉണ്ടാക്കിയെന്നുമാണ് റിപ്പോർട്ടിലുള്ളത്. കൂടാതെ ലോക് സഭ തെരഞ്ഞെടുപ്പ് മുന്നിൽ കണ്ടാണ് ഇങ്ങനൊരു നീക്കമെന്നും റിപ്പോർട്ടിൽ പറയുന്നു. എന്നാൽ ഈ റിപ്പോർട്ടിലെ വിശദംശങ്ങൾ മുൻപേ പുറത്ത് വന്നിരുന്നു.
എന്നാൽ എം ആർ അജിത് കുമാറിന്റെ ഈ റിപ്പോർട്ട് ഡിജിപി മുൻപ് തള്ളിയിരുന്നു. ഇങ്ങനൊരു വീഴ്ച ഉണ്ടാകുമ്പോൾ എഡിജിപി അജിത് കുമാർ എന്ത് ചെയ്തെന്നായിരുന്നു ഡിജിപിയുടെ വിമർശനം.തൃശൂർ പൂരം കലക്കലിൽ തൃതല അന്വേഷണമാണ് സർക്കാർ അവസാനം പ്രഖ്യാപിച്ചത്.
