കലൂർ സ്റ്റേഡിയത്തിലെ അപകടവുമായി ബന്ധപ്പെട്ട കേസിൽ നാടിനടന്മാരായ ദിവ്യ ഉണ്ണിയുടെയും ,സിജോയ് വർഗീസിന്റെയും മൊഴിയെടുക്കും . ഈ പരിപാടിയിൽ പങ്കെടുത്ത സിനിമാതാരങ്ങളായ സിജോയ് വർഗീസ്, ദിവ്യ ഉണ്ണി അടക്കമുള്ളവരുടെ മൊഴിയെടുക്കുമെന്നാണ് പൊലീസ് അറിയിച്ചത്. സ്റ്റേഡിയത്തിൽ നടത്തിയ നൃത്തപരിപാടിയിൽ ഇപ്പോൾ പൊലീസ് അന്വേഷണമാരംഭിച്ചു. കൂടാതെ സ്റ്റേഡിയത്തിലെ പരിപാടിയിൽ പങ്കെടുത്ത നൃത്ത അധ്യാപകരിൽ നിന്നും വിവരങ്ങൾ ശേഖരിക്കുന്നുണ്ടെന്നും പോലീസ് അറിയിപ്പ് നൽകി.
അതേസമയം നൃത്തപരിപാടിയുടെ സംഘാടകരായ മൃദംഗ വിഷന് സിഇഒയെ പൊലീസ് കസ്റ്റഡിയില് എടുത്തിരുന്നു. സിഇഒ ഷമീര് അബ്ദുള് റഹീം ആണ് കസ്റ്റഡിയിലായത്. ഓസ്കാര് ഇവന്റ്സിന്റെ മാനേജരെ നേരത്തെ അറസ്റ്റ് ചെയ്തിരുന്നു. മൃദംഗവിഷന് സിഇഒയും എംഡിയും മുന്കൂര് ജാമ്യാപേക്ഷയുമായി ഹൈക്കോടതിയെ സമീപിച്ചിരുന്നു. അതിനിടെ നൃത്ത പരിപാടിക്കിടെ ഉമാ തോമസ് എംഎല്എ വീണു പരിക്കേറ്റ സംഭവത്തില് വേദിയിലെ സുരക്ഷാ വീഴ്ച്ച സ്ഥിരീകരിച്ച് സംയുക്ത പരിശോധനാ റിപ്പോര്ട്ട് പുറത്ത് വന്നു. താല്ക്കാലികമായി നിര്മ്മിച്ച വേദിയ്ക്ക് ആവശ്യമായ ബലം ഉണ്ടായിരുന്നില്ലെന്നും സംഘാടകര്ക്ക് ഗുരുതര പിഴവ് സംഭവിച്ചുവെന്നും റിപ്പോര്ട്ടില് പറയുന്നു.
