കോഴിക്കോട് കട്ടിപ്പാറയില് എയ്ഡഡ് സ്കൂള് അധ്യാപിക അലീന ബെന്നി ജീവനൊടുക്കിയ സംഭവത്തില് സ്കൂള് മാനേജ്മന്റിനും താമരശ്ശേരി രൂപയ്ക്കും എതിരെ ശക്തമായ ആരോപണവുമായി കുടുംബം. താമരശേരി രൂപതാ കോര്പ്പറേറ്റ് മാനേജ്മെന്റിന് കീഴിലുള്ള കോടഞ്ചേരി സെന്റ് ജോസഫ് എല്പി സ്കൂള് അധികൃതരുടെ അനാസ്ഥയാണ് മകളുടെ മരണത്തിന് പിന്നിലെന്നാണ് പിതാവ് ബെന്നിയുടെ ആക്ഷേപം. ജോലിയുമായി ബന്ധപ്പെട്ട് സമര്പ്പിക്കേണ്ട രേഖകളുടെ അഭാവം ചൂണ്ടിക്കാട്ടി രൂപത നിയമനം വൈകിപ്പിച്ചിരുന്നുവെന്നും, അതിനാൽ സാമ്പത്തിക ബുദ്ധിമുട്ട് ഉണ്ടായി എന്നും. ഇതാണ് മകളെ ജീവനൊടുക്കാന് പ്രേരിപ്പിച്ചത് എന്നുമാണ് പിതാവിന്റെ ആക്ഷേപം.
അലീനയുടെ നിയമനവുമായി ബന്ധപ്പെട്ട രേഖകള് സര്ക്കാരിലേക്ക് സമര്പ്പിക്കുന്നതില് സ്കൂള് മാനേജ്മെന്റ് പരാജയപ്പെട്ടതാണ് അലീന നേരിട്ട പ്രശ്നങ്ങള്ക്ക് കാരണം. ശമ്പളമില്ലാതെ ജോലി ചെയ്യേണ്ടി വരുന്ന സാഹചര്യം ചൂണ്ടിക്കാട്ടിയപ്പോള് ഇത്തരം സംഭവങ്ങള് മുന്പും ഉണ്ടായിട്ടുണ്ടെന്ന നിലപാടാണ് താമരശ്ശേരി രൂപതയുടെ കോര്പ്പറേറ്റ് വിദ്യാഭ്യാസ ഏജന്സി ഉദ്യോഗസ്ഥരുടെ ഭാഗത്ത് നിന്നും ഉണ്ടായത് എന്നും ബെന്നി പറയുന്നു. . ജോലിക്കായി പതിമൂന്ന് ലക്ഷം രൂപ ഇവര് രൂപതയ്ക്ക് നല്കിയെന്നും ആറ് വര്ഷമായിട്ടും സ്ഥിരം നിയമനം ആയിട്ടില്ലെന്നും അലീനയുടെ കുടുംബം പറയുന്നു.
