പുതിയ അധ്യയന വര്ഷത്തിന് തുടക്കം കുറിച്ച് രാവിലെ 9.30ന് എറണാകുളം എളമക്കര ഗവ. ഹയര് സെക്കന്ററി സ്കൂളില് മുഖ്യമന്ത്രി പിണറായി വിജയന് പ്രവേശനോത്സവം ഉദ്ഘാടനം ചെയ്തു. ഒന്നാം ക്ലാസിലെത്തുന്ന കുട്ടികളെ വിദ്യാഭ്യാസമന്ത്രിയുടെ നേതൃത്വത്തില് സ്വീകരിച്ചു. ഇവര്ക്ക് ബാഗുകളും കുടകളും സമ്മാനമായി നൽകി.
പ്രവേശനോത്സവ ഗാനത്തിന്റെ ദൃശ്യാവിഷ്ക്കാരം സ്കൂളിലെ കുട്ടികൾ അവതരിപ്പിച്ചു. പ്രവേശനോത്സവത്തിന്റെ ഭാഗമായി വിവിധ കലാപരിപാടികളാണ് വിദ്യാർത്ഥികളും അധ്യാപകരും ഓരോ സ്കൂളുകളിലും സംഘടിപ്പിച്ചിരിക്കുന്നത്.
