ബ്രിട്ടനിലെ പൊതുതെരഞ്ഞെടുപ്പിൽ മികച്ച വിജയം നേടിയ കെയ്ർ സ്റ്റാർമറിനെ അഭിനന്ദിച്ച് പ്രധാനമന്ത്രി നരേന്ദ്രമോദി. ഒപ്പം ഋഷി സുനകിന്റെ സ്തുത്യർഹമായ നേതൃത്വത്തിന് നന്ദിയും. ബ്രിട്ടനിൽ വമ്പൻ ഭൂരിപക്ഷത്തോടെ ലേബർ പാർട്ടി അധികാരത്തിൽ എത്തി. 14 വർഷം നീണ്ട കൺസർവേറ്റിവ് പാർട്ടി ഭരണമാണ് അവസാനിച്ചത്. വ്യാഴാഴ്ച നടന്ന പാർലമെൻ്റ് തിരഞ്ഞെടുപ്പിൽ സ്റ്റാർമേഴ്സ് ലേബർ പാർട്ടി മികച്ച ഭൂരിപക്ഷം നേടി. 650 സീറ്റുകളുള്ള ഹൗസ് ഓഫ് കോമൺസിൽ 412 സീറ്റുകൾ നേടി.
യുകെ പൊതുതെരഞ്ഞെടുപ്പിലെ ശ്രദ്ധേയമായ വിജയം നേടിയ കെയ്ർ സ്റ്റാർമറിന് ഹൃദയംഗമമായ അഭിനന്ദനങ്ങളും ആശംസകളും നേരുന്നു. പരസ്പര വളർച്ചയും സമൃദ്ധിയും പ്രോത്സാഹിപ്പിക്കുന്ന, എല്ലാ മേഖലകളിലും, ഇന്ത്യയും യുകെയും തമ്മിലുള്ള പങ്കാളിത്തം കൂടുതൽ ശക്തിപ്പെടുത്തുന്നതിനുള്ള ക്രിയാത്മകമായ സഹകരണം ഞാൻ പ്രതീക്ഷിക്കുന്നു.” പ്രധാനമന്ത്രി മോദി ട്വീറ്റ് ചെയ്തു.
കെയ്ർ സ്റ്റാർമറിനെ അഭിനന്ദിക്കുന്നതിനൊപ്പം സ്ഥാനമൊഴിയുന്ന പ്രധാനമന്ത്രി ഋഷി സുനകിന് നന്ദിയറിച്ച് മോദി . “റിഷി സുനക്ക്, യുകെയിലെ നിങ്ങളുടെ പ്രശംസനീയമായ നേതൃത്വത്തിനും നിങ്ങളുടെ ഭരണകാലത്ത് ഇന്ത്യയും യുകെയും തമ്മിലുള്ള ബന്ധം കൂടുതൽ ആഴത്തിലാക്കാൻ നിങ്ങൾ നൽകിയ സജീവ സംഭാവനയ്ക്കും നന്ദി. ഭാവിയിൽ നിങ്ങൾക്കും കുടുംബത്തിനും ആശംസകൾ.”
