ദുരന്തമുണ്ടായ ഓരോയിടവും സന്ദർശിച്ച് രാഹുല് ഗാന്ധി. പ്രിയങ്ക ഗാന്ധിയും കെ.സി വേണുഗോപാൽ എം.പിയും അദ്ദേഹത്തോടൊപ്പം ഉണ്ടായിരുന്നു. ആദ്യം പുഞ്ചിമട്ടത്തേക്ക് പോയ രാഹുൽ ഗാന്ധി തുടർന്ന് മുണ്ടക്കൈയിലേക്ക് എത്തുകയായിരുന്നു.
ഇന്നലെ മുതല് ഇവിടെയുണ്ട്. ഇത് വല്ലാത്തൊരു ദുരന്തമാണ്. ഞങ്ങള് ഇന്നലെ ദുരന്തപ്രദേശത്ത് പോയിരുന്നു. ക്യാമ്പുകളില് പോയി അവിടത്തെ സ്ഥിതിഗതികള് വിലയിരുത്തി. ഇന്ന് അധികൃതരുമായി ചര്ച്ച നടത്തി. നാശനഷ്ടങ്ങളേക്കുറിച്ചും പുനരധിവാസത്തേക്കുറിച്ചും അവര് വിവരിച്ചു. നൂറിലധികം വീടുകള് കോണ്ഗ്രസ് ഇവിടെ നിര്മിച്ചുനല്കും. കോണ്ഗ്രസ് കുടുംബം അതിന് പ്രതിജ്ഞാബദ്ധമാണ്’, രാഹുല് പറഞ്ഞു.
നാലാം ദിനവും രക്ഷാപ്രവർത്തനം പുരോഗമിക്കുകയാണ്. ദുരന്തത്തിൽ ഇതുവരെ 319 പേരാണ് മരിച്ചത്. ഇന്ന് നിലമ്പൂരില് നിന്നും 5 മൃതദേഹങ്ങളും മേപ്പാടിയില് നിന്ന് ആറ് മൃതദേഹങ്ങളുമാണ്
കണ്ടെത്തിയത്. ദുരന്തമേഖലയില് നിന്ന് ഇന്ന് നാലുപേരെ ജീവനോടെ കണ്ടെത്തി.
