രാഹുല് ഗാന്ധിക്കെതിരെ രൂക്ഷ വിമര്ശനവുമായി അമിത് ഷാ. രാജ്യത്തെ വിഭജിക്കാന് ഗൂഢാലോചന നടത്തുന്ന ശക്തികള്ക്കൊപ്പം നില്ക്കുന്നതും രാജ്യവിരുദ്ധ പ്രസ്താവനകള് നടത്തുന്നതും രാഹുലിന്റെയും കോണ്ഗ്രസ് പാര്ട്ടിയുടെയും ശീലമായി മാറിയിരിക്കുന്നുവെന്ന് അമിത് ഷാ ആരോപിച്ചു.
മതം,പ്രാദേശികത, ഭാഷാപരമായ വ്യത്യാസങ്ങള് എന്നിവയുടെ അടിസ്ഥാനത്തില് വിള്ളലുകള് ഉണ്ടാക്കുന്ന കോണ്ഗ്രസിന്റെ രാഷ്ട്രീയമാണ് രാഹുലിന്റെ പ്രസ്താവനയിലൂടെ വെളിവാകുന്നതെന്ന് അദ്ദേഹം വിമർശിച്ചു. രാജ്യത്ത് സംവരണം ഒഴിവാക്കുന്നതിനെ കുറിച്ച് സംസാരിക്കുക വഴി കോണ്ഗ്രസിന്റെ സംവരണ വിരുദ്ധ മുഖം ഒരിക്കല്കൂടി വെളിവാക്കുകയാണ് രാഹുല് ഗാന്ധി. അദ്ദേഹത്തിന്റെ മനസിലുള്ള കാര്യങ്ങളാണ് വാക്കുകളായി പുറത്തേക്ക് വരുന്നത് എന്നും അമിത് ഷാ വ്യക്തമാക്കി.
