അരവിന്ദ് കെജ്രിവാൾ ഡൽഹി മുഖ്യമന്ത്രി സ്ഥാനം ഇന്ന് രാജിവെക്കും. പകരം കൂടുതല് സാധ്യത അതിഷിയ്ക്ക്. പുതിയ മുഖ്യമന്ത്രി ആരെന്ന് ഇന്ന് ചേരുന്ന എംഎല്എമാരുടെ യോഗത്തില് തീരുമാനിക്കും. പാര്ട്ടി ഓഫീസില് പ്രവര്ത്തകരെ അഭിസംബോധന ചെയ്ത് സംസാരിക്കുമ്പോഴാണ് കെജ്രിവാള് പ്രഖ്യാപനം നടത്തിയത്.
പകരം മുഖ്യമന്ത്രി സ്ഥാനത്തേക്ക് കൂടുതല് സാധ്യത അതിഷി എത്താനാണ്. കൂടുതല് നേതാക്കള് നിര്ദ്ദേശിച്ചത് അതിഷിയുടെ പേരാണ്. അഴിമതിവിരുദ്ധ മുദ്രാവാക്യവുമായി അധികാരത്തിലെത്തിയ ആം ആദ്മി പാർട്ടി, മുഖ്യമന്ത്രി അരവിന്ദ് കെജ്രിവാൾ അടക്കം നേരിട്ട അഴിമതി ആരോപണങ്ങളിൽ ജനവിധിയെന്ന അഗ്നിശുദ്ധിക്ക് ഒരുങ്ങുകയാണ്.
രണ്ടുദിവസം കഴിഞ്ഞാല്, ഞാന് മുഖ്യമന്ത്രി പദം രാജിവെയ്ക്കും. ജനങ്ങള് അവരുടെ വിധി പ്രഖ്യാപിക്കുംവരെ ഞാന് ആ കസേരയില് ഇരിക്കില്ല. എനിക്ക് കോടതിയില്നിന്ന് നീതി ലഭിച്ചു. ഇനി ജനങ്ങളുടെ കോടതിയിൽനിന്നും എനിക്ക് നീതിലഭിക്കും. ജനങ്ങളുടെ വിധിപ്രഖ്യാപനം ഉണ്ടായതിനു ശേഷം മാത്രമേ ഞാന് ഇനി മുഖ്യമന്ത്രി കസേരയില് ഇരിക്കൂ, കെജ്രിവാള് പറഞ്ഞു.
