ഡൽഹി നിയമസഭയിൽ സിഎജി റിപ്പോർട്ടിനെച്ചൊല്ലി ബഹളം. അതിഷി ഉള്പ്പെടെ 20 എഎപി എംഎൽഎമാരെ സഭയില് നിന്ന് പുറത്താക്കി. മദ്യനയത്തെക്കുറിച്ചുള്ള സിഎജി (കൺട്രോളർ ആൻഡ് ഓഡിറ്റർ ജനറൽ ഓഫ് ഇന്ത്യ) റിപ്പോർട്ടിനെച്ചൊല്ലിയുണ്ടായ ബഹളത്തെത്തുടർന്ന് പ്രതിപക്ഷനേതാവ് അതിഷി ഉള്പ്പെടെ എഎപി എംഎല്മാരെ മാർഷല്മാരെ വിളിച്ച് സഭയില് നിന്ന് പുറത്താക്കി.
മുഖ്യമന്ത്രി രേഖാ ഗുപ്തയാണ് റിപ്പോർട്ട് സഭയിൽ വെച്ചത്. ഇന്നത്തെ സമ്മേളനം ആരംഭിച്ചപ്പോൾ ലഫ്റ്റനൻ്റ് ഗവർണർ വി കെ സക്സേന സഭയെ അഭിസംബോധന ചെയ്തു. എഎപി നിയമസഭാംഗങ്ങൾ അദ്ദേഹത്തിൻ്റെ പ്രസംഗം തടസ്സപ്പെടുത്തി മുദ്രാവാക്യം വിളിച്ചു. മുഖ്യമന്ത്രിയുടെ ഓഫീസില് നിന്ന് ബിആർ അംബ്ദേക്കറിന്റെയും ഭഗത് സിങ്ങിനെയും ചിത്രങ്ങള് ബിജെപി മാറ്റിയെന്ന് ആരോപിച്ചാണ് എഎപി സഭയില് പ്രതിഷേധിച്ചത്. എംഎൽഎമാരോട് ശാന്തരായിരിക്കാൻ സ്പീക്കർ വിജേന്ദർ ഗുപ്ത ഒന്നിലധികം അഭ്യർത്ഥനകൾ നടത്തിയെങ്കിലും അവർ ലഫ്റ്റനൻ്റ് ഗവർണറുടെ പ്രസംഗം തടസ്സപ്പെടുത്തുന്നത് തുടർന്നു. തുടർന്ന് മാർഷല്മാരെ വിളിച്ച് ഇവരെ സഭയില് നിന്ന് സ്പീക്കർ വിജേന്ദ്രഗുപ്ത പുറത്താക്കി.
ബാബാസാഹേബ് അംബേദ്കറുടെ ചിത്രം നീക്കം ചെയ്തുകൊണ്ട് ബിജെപി അതിൻ്റെ യഥാർത്ഥ നിറം കാണിച്ചു. പ്രധാനമന്ത്രി നരേന്ദ്ര മോദിക്ക് ബാബാസാഹെബിന് പകരമാകുമെന്ന് പാർട്ടി വിശ്വസിക്കുന്നുണ്ടോ? അവൾ മാധ്യമപ്രവർത്തകരോട് പറഞ്ഞു. നയപ്രഖ്യാപന പ്രസംഗം തടസപ്പെടുത്താൻ ശ്രമിച്ചതിന് അതിഷി ഉള്പ്പെടെ 12 എംഎല്എമാരെ സഭയില് നിന്ന് ഒരു ദിവസത്തേക്കാണ് സ്പീക്കർ സസ്പെൻഡ് ചെയ്തത്.
