ആലപ്പുഴ വണ്ടാനം മെഡിക്കൽ കോളേജിൽ ഏഴ് ദിവസം പ്രായമുള്ള നവജാത ശിശു മരിച്ചു. വണ്ടാനം സ്വദേശികളായ മനുവിന്റെയും സൗമ്യയുടെയും കുഞ്ഞാണ് മരിച്ചത്. രാത്രി 12.30 യോടെയാണ് കുഞ്ഞ് മരിച്ചത്. തുടര്ന്ന് മൃതദേഹവുമായി ബന്ധുക്കള് പ്രതിഷേധിച്ചു. പൊലീസെത്തിയാണ് ഇവരെ മാറ്റിയത്.
പ്രസവ വേദന വന്നതിനെ തുടർന്ന് ആശുപത്രി അധികൃതരെ വിവരമറിയിച്ചിട്ടും സൗമ്യയെ ലേബർ റൂമിലേക്ക് മാറ്റിയില്ലെന്നും യുവതി വാര്ഡിൽ കിടന്ന് പ്രസവിച്ചെന്നുമാണ് ആരോപണം. ആരോഗ്യ പ്രശ്നങ്ങളുണ്ടായിരുന്ന കുഞ്ഞിനെ ഐസിയുവിൽ പ്രവേശിപ്പിച്ചതായിരുന്നു. രാത്രി 12.30 യോടെ കുഞ്ഞ് മരിച്ചു. കുഞ്ഞിന്റെ മൃതദേഹം പോസ്റ്റ്മോര്ട്ടം നടത്തണമെന്ന ആവശ്യവുമായി ബന്ധുക്കള് രംഗത്തെത്തി.
