തിരുവനന്തപുരം: മാസപ്പടി കേസില് മുഖ്യമന്ത്രിക്കും മകൾക്കുമെതിരെ അന്വേഷണം വേണമെന്ന മാത്യു കുഴൽനാടൻ എംഎൽഎയുടെ ഹർജി കോടതി തള്ളി. തിരുവനന്തപുരം വിജിലൻസ് കോടതിയാണ് ഹർജി തള്ളിയത്. മാസപ്പടി ഹർജിയിൽ വിജിലൻസ് അന്വേഷണം വേണമെന്ന ആവശ്യവും കോടതി നേരിട്ട് അന്വേഷണം നടത്തണമെന്ന ആവശ്യവും തള്ളുകയായിരുന്നു.
സിഎംആര്എല്ലിന് വഴിവിട്ട സഹായം നല്കിയതിന് പ്രതിഫലമായി മുഖ്യമന്ത്രിയുടെ മകള് വീണയുടെ കമ്പനിക്ക് മാസപ്പടി നല്കിയെന്നും ഹര്ജിയില് ആരോപിച്ചിരുന്നു.കഴിഞ്ഞ ദിവസം കേസ് പരിഗണിച്ചപ്പോള് കേസിൽ മുഖ്യമന്ത്രിയുടെയും മകളുടെയും പങ്ക് തെളിയിക്കുന്ന അഞ്ച് രേഖകൾ കൂടി മാത്യു കുഴല്നാടന് കോടതിയില് നല്കിയിരുന്നു. എന്നാൽ എന്നാൽ ഈ രേഖളിലൊന്നും സർക്കാർ വഴിവിട്ട് സഹായം ചെയ്തതായി കണ്ടെത്താനായിട്ടില്ലെന്ന് വിജിലൻസും വ്യക്തമാക്കി.
