സംസ്ഥാനത്തിന്റെ വിവിധ ഭാഗങ്ങളിൽ ഡ്രൈവിങ് സ്കൂളുമായി കെ.എസ്.ആര്.ടി.സി. കുറഞ്ഞ ചിലവിൽ കൃത്യതയുള്ള ഡ്രൈവിങ് പരിശീലനവുമായാണ് കെ.എസ്.ആര്.ടി.സി എത്തിയിരിക്കുന്നത്. സ്വകാര്യമേഖലയേക്കാള് കുറഞ്ഞ നിരക്കില് കാര് ഡ്രൈവിങ് പഠിക്കാന് 9000 രൂപയാണ് ഫീസ്. ഹെവി ഡ്രൈവിങ് പരിശീലനത്തിനും ഇതേ നിരക്ക് തന്നെയാണ്. ഇരുചക്രവാഹനങ്ങള്ക്ക് 3500 രൂപ. ഗിയര് ഉള്ളതും ഇല്ലാത്തതുമായ ടുവീലറിന് ഒരേ നിരക്കാണ് ഈടാക്കുന്നത്. കാറും ഇരുചക്രവാഹനവും ചേര്ത്ത് 11,000 രൂപയ്ക്ക് സ്പെഷ്യൽ പാക്കേജുണ്ട്.
സംസ്ഥാനത്തിന്റെ വിവിധ ഭാഗങ്ങളിൽ സ്ഥാപിക്കുന്ന കെ.എസ്.ആര്.ടി.സി. പരിശീലന കേന്ദ്രത്തിലൂടെ KSRTC യിലെ വിദഗ്ധരായ ഇൻസ്ട്രുക്ടർമാരായിരിക്കും പരിശീലനം നൽകുക. ഡ്രൈവിങ് ടെസ്റ്റ് പരിഷ്കരണം സംബന്ധിച്ച് ഡ്രൈവിങ് സ്കൂള് ഉടമകളും സര്ക്കാരും തമ്മില് തര്ക്കം നടക്കുന്നതിനിടെയാണ് കെ.എസ്.ആര്.ടി.സി. ഡ്രൈവിങ് സ്കൂളുകള് ആരംഭിക്കുന്നത്.
ഹെവി ഡ്രൈവിങ് പരിശീലനത്തിനു സ്വകാര്യ സ്ഥാപനങ്ങള് 15,000 രൂപയാണ് വാങ്ങുന്നത്. കാര് ഡ്രൈവിങ്ങിന് 12,000 മുതല് 14,000 വരെയാണ് നിരക്ക്. ഇരുചക്രവാഹനങ്ങള്ക്ക് 6000 രൂപ ഫീസ് ഫീസ് ഈടാക്കുന്നു. തിരുവനന്തപുരത്തെ ഡ്രൈവിങ് സ്കൂള് ഉടന് പ്രവര്ത്തനസജ്ജമാകും. കെ.എസ്.ആര്.ടി.സി.യുടെ ആനയറ സ്റ്റേഷന് സമീപത്താണ് ഡ്രൈവിങ് പഠനത്തിന് ട്രാക്ക് ഒരുക്കിയിട്ടുള്ളത്.
