ഭാവ ഗായകൻ പി ജയചന്ദ്രൻ (80 )അന്തരിച്ചു.സംസ്കാരച്ചടങ്ങുകൾ നാളെ വൈകിട്ട് 3 .30 മണിക്ക് പറവൂർ ചേന്ദമംഗലം പാലിയം തറവാട് ശ്മശാനത്തിൽ നടത്തപ്പെടും. മൃതദേഹം രാവിലെ എട്ട് മണിക്ക് ശേഷം തൃശൂരിലെ സ്വകാര്യ ആശുപത്രിയിലെ മോര്ച്ചറിയില്നിന്ന് പൂങ്കുന്നത്തെ സഹോദരിയുടെ വീട്ടിലെത്തിക്കും. 10 മുതൽ 12 വരെ സംഗീത അക്കാദമി ഹാളിൽ പൊതുദർശനമുണ്ടാകും. തിരികെ പൂങ്കുന്നത്തെ വീട്ടിലെത്തിച്ചതിന് ശേഷം നാളെ ജന്മദേശമായ നോര്ത്ത് പറവൂരിലെ പാലിയത്തേക്ക് കൊണ്ടുപോകും.പാലിയത്തെ തറവാട്ടില് നാളെ രാവിലെ 9 മുതല് പൊതുദര്ശനം ഒരുക്കിയിട്ടുണ്ട്.
നാളെ ഉച്ചതിരിഞ്ഞ് മൂന്ന് മണിക്ക് പറവൂർ ചേന്ദമംഗലം പാലിയത്ത് വീട്ടിലായിരിക്കും സംസ്കാര ചടങ്ങുകൾ നടക്കുക . അർബുദ ബാധിതനായി ഏറെനാളായി ചികിൽസയിലായിരുന്ന. കഴിഞ്ഞ ദിവസം വൈകിട്ട് വീട്ടില് കുഴഞ്ഞു വീണതിന് പിന്നാലെ തൃശൂരിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും ഏഴേമുക്കാലോടെ മരണം സംഭവിക്കുക ആയിരുന്നു.
ആറു പതിറ്റാണ്ടോളം മലയാളികളുടെ ഹൃദയ സ്വരമായിരുന്നു പി ജയചന്ദ്രൻ
ആറു പതിറ്റാണ്ടോളം മലയാളികളുടെ ഹൃദയ സ്വരമായിരുന്നു പി ജയചന്ദ്രൻ. അദ്ദേഹത്തിന്റെ ആലാപനത്തിൽ പ്രണയവും വിരഹവും ഭക്തിയുമൊക്കെ ഉജ്വലമായ ഭാവപൂർണതയോടെ തെളിഞ്ഞു. മലയാളം, തമിഴ്, തെലുങ്ക്, കന്നഡ, ഹിന്ദി, ഭാഷകളിലായി പതിനാറായിരത്തിലേറെ ഗാനങ്ങൾ ആലപിച്ചിട്ടുണ്ട്. മികച്ച പിന്നണി ഗായകനുള്ള ദേശീയ ചലച്ചിത്ര പുരസ്കാരം ഒരു തവണയും ,സംസ്ഥാന ചലച്ചിത്ര പുരസ്കാരം അഞ്ചു തവണയും നേടിയിട്ടുണ്ട് കേരളസർക്കാരിന്റെ ജെ സി ഡാനിയൽ പുരസ്കാരവും അദ്ദേഹത്തിന് ലഭിച്ചിട്ടുണ്ട്. തമിഴ്നാട് സർക്കാരിന്റെ കലൈമാമണി ബഹുമതി, നാലുവട്ടം തമിഴ്നാട് സംസ്ഥാന പുരസ്കാരം എന്നിവയും ലഭിച്ചിട്ടുണ്ട്.
